mansredondas

OS ANIMAIS

2012-01-26T00:08:00.001+01:00

AS TABOAS

2012-01-25T23:29:00.003+01:00

Pinchade na imaxe para practicar un pouquiño as táboas de multiplicar.

A PAZ:XOGO E DIVÍRTOME

2012-01-25T22:50:00.004+01:00

Teño uns nenos e nenas fantásticos, que tódolos días me insisten para que poña máis cousiñas no blog (especialmente Estela),así que aquí van uns xoguiños para que pasedes un bo rato.

Día Mundial da Educación Ambiental

2012-01-19T22:18:00.004+01:00

O día 26 de xaneiro celebramos o Día Mundial da Educación Ambiental. Esta ten por obxecto concienciar aos gobernos e ás persoas da necesidade de coidar o noso ambiente , así como de tratar de reverter os danos que xa lle temos feito..

Con este libro de Belén Junquera seguro que o pasades ben e aprendedes cousiñas do medio ambiente.

PREPARAMOS O FESTIVAL

2011-12-11T15:39:00.002+01:00

Este ano no festival de Nadal imos cantar unha panxoliña en inglés (xa que estamos coa sección bilingüe). Acompañannos os nenos e nenas de 1º. Aquí quedan uns vídeos por se queredes repasar o vocabulario e a canción.

SEGUIMOS CÓ NADAL

2011-12-11T15:11:00.001+01:00

Estamos traballando para decorar o noso cole de cara ó Nadal. En Infantil fixeron un mural precioso. Os nenos e nenas do 2º ciclo están deixado os corredores moi ambientados. No primeiro e 3º ciclo estamos a facer unha árbore. Os profes colaboran no pintado dos paraugas cós que armaremos a árbore e os nenos e nenas estanse encargando de facer os adornosl.Isto sí que é traballo en equipo.

An album de fotos by Smilebox

Santa Claus is coming

2011-12-11T10:42:00.002+01:00

Seguimos traballando en Plástica.Agora xa vai chegando o Nadal e ocurreusenos facer uns Papá Noeles para adornar a clase e as nosas árbores.

Photo collage personalized with Smilebox

AGASALLO PARA MARIAN

2011-12-11T01:01:00.002+01:00

Temos na clase un artista que se chama Anxo. Fixo un fermoso debuxo para Marian, que os compañeir@s lle axudaron a colorear. Cando Marian o veu púxose moi contenta e unha vez máis volveuse emocionar.Bicos Marian.

Make your own tarjeta

A PROFE BLANCA

2011-12-10T23:47:00.002+01:00

Balanca é a profe de Relixión. Como está chegando o Nadal , contounos un conto moi lindo: "Erase una vez la Navidad".Logo, coas figuriñas do conto montamos un Belén, nas mesas que temos para as nosas exposicións.

BLANCA - diapositivas

O PROFE PEDRO

2011-12-10T23:12:00.004+01:00

Pedro é o novo profe de ximnasia.Con él pasámolo ben e fainos xogos moi entretidos. Aquí podedes ver o divertido que é tratar de poñerlle o rabo ao burro cós ollos tapados.

Pero, ademáis é o noso profe de Informática. Ás veces xuntámonos con nenos e nenas de outros cursos (1º ou 3º) e ensinanos cousas importantes: Os dereitos dos nenos, Día da Non Violencia contra a muller...Graciñas pola túa axuda, profe Pedro.

Pedro - diapositivas

DÍA INTERNACIONAL DAS PERSOAS CON DISCAPACIDADE

2011-12-04T22:54:00.003+01:00

O dia 3 de decembro foi o Día das persoas con discapacidade.Porque todos somos persoas, debemos aprender a convivir e porque a escola é un dos principais medios de socialización, debemos camiñar cara unha escola inclusiva. Atopei este vídeo que me parece bonito. A ver se vos gusta.

LET´S SING

2011-11-28T23:13:00.001+01:00

Xa sabíamos que Mariam debuxa moi ben. Ademáis imos aprendendo que cantando tampouco o fai mal. Con qué máis nos sorprenderá?

cantamos con Mariam - foto montaje

PARA TODAS AS MULLERES

2011-11-23T23:43:00.002+01:00

E seguindo cós Días de..., non debemos esquecer que o próximo venres é o Día da Non violencia contra a muller. Triste día se pensamos que no que vai de ano, unhas 53 mulleres morreron asasinadas polas súas parellas. Mágoa que algunhas persoas non entendan a diferenza entre querer e poseer. Agustín García Calvo (Canciones y soliloquios, 1982) escribiu un pequeno e fermoso poema, ao que lAmacio Prada deulle forma de canción.Aquí queda , adicado a todas as mulleres e homes que aman ás mulleres.

Libre te quiero,

como arroyo que brinca

de peña en peña.

Pero no mía.

Grande te quiero,

como monte preñado

de primavera.

Pero no mía.

Blanca te quiero,

como flor de azahares

sobre la tierra.

Pero no mía.

Pero no mía

ni de Dios ni de nadie

ni tuya siquiera.

DÍA MUNDIAL DOS BOSQUES AUTÓCTONOS

2011-11-23T23:08:00.002+01:00

Hoxe estivo no cole Antonio Teijeiro.Aprendemos moitas cousas e púxonos a pensar no importante que é manter os nosos bosques. Falounos da diferencia entre un bosque e unha plantación de árbores (debaixo dunha plantación apenas hai vida, mentres que nun carballo poden vivir ata 1500 insectos e animaliños diferentes). É fundamental que coidemos as nosas árbores, por moitos motivos: fan de colchón e esponxa para termar da auga, aportan osíxeno, son unha grande fonte de recursos para os homes : madeira, manciñas naturais... Precisamos saber máis para poñernos mans á obra???

CAMPO A TRAVÉS

2011-11-23T22:59:00.002+01:00

O venres 18 de novembro , os nen@s do cole, dende 2º ata 6º, foron ata a Fraga para participar na carreira de campo a través.O tempo axudou e ainda que houbo algunhas caídas, voltaron ao cole sans e salvos. Pasarono moi ben (aínda que a organización, como vén sendo habitual,parece non ter ni para darlles algo de beber).Graciñas profe Pedro, por levarnos.

Dereitos dos nenos e nenas

2011-11-18T11:56:00.002+01:00

O próximo día 20 de novembro celebraremos o Día dos Dereitos internacionales dos nenos e nenas.Aquí vos queda o libriño que fixemos con este proxecto. Tedes que perdoar, que é a primeira vez, que faigo un issu. O próximo seguro que o faremos mellor.

Open publication - Free publishing - More dereitos

TEMOS INVITADOS

2011-11-13T23:33:00.002+01:00

Este xoves foi un día fantástico. Un grupiño de 5 nenos do cole Terra de Ferrol, estiveron parte da mañá con nós na clase.Cando chegaron presentáronse e rápidamente se quixeron poñer a pintar coas témperas.Temos colgados na clase os debuxos que fixeron.Despois, todos xuntos , coloreamos uns avións e uns barquiños que nos fixo o profe José Mª (Graciñas José Mª). Logo, como empezaban a cansarse fomos ao patio, onde poidemos comprobar que eran uns expertos xogando ao fútbol. E, por suposto, tamén os invitamos a visitar a nosa biblioteca. Alí, máis que os libros, gustáronlles os ordenadores.Moitas graciñas a eles a ás súas mestras por permitirnos compartir este día.

MAGOSTO 2011

2011-11-13T23:13:00.002+01:00

O pasado venres, día 4 de novembro, celebramos o Magosto no noso cole.Grazas á colaboración da ANPA, poidemos degustar unhas exquisitas castañas, acompañadas de batidos ou auga. (asadas no lume, que boas estaban!!!)Logo, o profe Pedro preparounos uns xogos no pavillon e pasámolo xenial. Tivemos carreiras de sacos, carreira da fogaza, zancos e cordas, o pano, brilé.Ata os profes se animaron a xogar!

QUERÉMOSTE MARIAM

2011-11-03T23:27:00.002+01:00

Mariam xa leva un mes con nós. Cada día que pasa imos coñecendo máis cousiñas acerca dela. Sabemos que toca o violín, que canta moi ben (ata se apuntou á rondalla)...No cole axúdanos con todo: ensínanos palabras e expresións novas, o mesmo debuxa un mural que fai letras preciosas, cántanos cancións...e sempre ,sempre, cun sorriso encantador. Por todo iso....QUERÉMOSTE MARIAM.

DO YOU LIKE IT?

2011-11-03T23:06:00.002+01:00

E outra sesión con Mariam. Cada vez os nenos e nenas teñen máis ganas de falar con ela e preguntarlle cousiñas. Esta vez, coas siluetas das nosas mans , recortadas e pintadas con témpera fixemos unhas árbores . Logo untamos con cores de outono os nosos dediños e fixemos as folliñas.Quedounos moi bonito. E ademáis , Mariam ensinounos unha fermosa canción para aprender os nomes dos dedos en inglés

Démoslle á imaxinación, e transformamos unha "chestnut" que nos pasou a "teacher" Ángeles en superheroe, pop-star, princesa...Pasámolo xenial.E por se fora pouco, os nen@s maiores preparáronnos unhas doces "spiders " que estaban riquísimas. Graciñas.

CONCURSO DOS FUNGOS 2011

2011-11-02T22:37:00.002+01:00

Este ano, para o concurso de Fungos decidimos facer un reloxo cun tapacubos. Marian díxonos que en inglés se chama "hubcap"(Canto estamos aprendendo!!).O profe José Mª, deunos unhas ideas para poñer os números e pintalo e puxémonos mans á obra. Levounos varios días, pero non quedou mal...e....YUPI!!!, déronnos un premio.Isto anima para seguir traballando o ano que vén.

Noraboa a tódolos nenos e nenas de Infantil, Primaria e ESO que tamén recibiron premios.

PLANTANDO, PLANTANDO

2011-11-02T22:09:00.002+01:00

Antes de que outono nos trouxese a choiva, aproveitamos, como tódolos anos, para ir ao viveiro plantar algunha cousiña. Este curso decidimos plantar carballos, acivros e loureiros.Estivemos moi organizados e rematamos prontiño. Temos que dar as grazas a José Antonio, que nos axudou a regar cando rematamos.Nuns días iremos ver se prenderon.

QUE ATENTOS!!

2011-10-26T23:23:00.002+02:00

En coñecemento estamos a traballar o corpo humano. Unha vez máis teño que dar as graciñas ás familias e aos nen@s por todo o maaterial que están traendo:libros, vídeos, bonecos, debuxos...Estes días estamos vendo a ratiños os vídeos que trouxo Alex. Aprendemos moito e estamos moi atentos.

WELCOME MARIAN

2011-10-05T22:56:00.002+02:00

Por fin chegou Marian á nosa clase. Vén de Nueva York, e con ela este ano seguro que imos aprender moito inglés.

Os nenos e nenas estaban moi emocionados. Todos lle querían facer preguntas e esforzábanse por falarlle en inglés. Querían saber cantos anos tiña, de onde viña, cal era a súa cor favorita...

Despois decidiron facerlle uns debuxos para montar un libriño e darllo como agasallo de benvida.

Así conseguimos que tamén Marian se emocionase.

Agora estamos todos ansiosos esperando o próximo día de plástica, para volver a tela con nós.

LOS PENDIENTES DE LA MAESTRA

2011-10-02T22:10:00.010+02:00

Con un pouquiño de retraso, comeza mañá para min o curso .Estaba desexando volver. Para ir comezando, estou lendo estos días "Los pendientes de la maestra", de Mari Carmen Díez Navarro.É unha pequena reflexión de como pensa unha mestra nos nenos, na escola , nas familias e na sociedade de hoxe.Ten un comezo moi bonito(Xa foi publicado en Cuadernos de Pedagogía) e aquí o deixo para que vos animedes a lelo.

Los niños que conozco son como todos los niños, pero son "cada uno". Tienen su aire particular, sus diferencias, sus chispas de sabor exquisitamente distintas a cualquier ota chispa...Unos son bravos, otros son flojos. Unos son calmos;otros ligeros.Unos son habladores;otros callados. Unos son serios y otros son risueños.

Los niños que conozco aún saben inventar un juego a partir de una tela, de un palo o de una naranja. Aún juegan a mamás y papás, a hacer carreras, a la pelota, a excavar hoyos en la arena, a cocinar comidas con semillas y hojas...

Los niños que conozco son de todos los colores. Y ese arco iris de pieles trae brillos de otros lugares, trae ecos de otras voces, trae músicas de otras fiestas, y hasta trae recuerdos de otras historias con sabor a pasado u a futuro caliente.

Los niños que conozco curiosean lo que les pasa cerca, como hacen los niños de todo el mundo. Metiendo los dientes en el pan y en el sueño. Metiendo los pies en los charcos y el barro.Metiendo los ojos en las nubes y los dedos en los agujeros de la vida.

Los niños que conozco vienen a la escuela con los ojos brillantes, con las ansias abiertas, con las ganas en ristre. Y aprenden soñar, a estar con otros, a decirse.

Aprenden a construir castillos, amistades o defensas. Aprenden a leer, a contar, a mostrarse ante el mundo. Aprenden a bailar, a pintar, a hacer teatrillos. Aprenden a discutir, a querer y a empezar a vivir poquito a poco.

Y qué cosas..a mi me gusta verlos, escuchar lo que dicen, y acompañarles a ratos las crecidas.

Pois ben, no meu cole tamén hai nenos e nenas así e a min xa me tarda por velos.

O sol e as sombras

2011-06-07T22:36:00.002+02:00

Como estamos estudando o Sol , e dado que tiñamos bo día ,decidimos saír ao patio para facer algunhas experiencias.
Primeiro comprobamos como có sol, o noso corpo facçia sombras, que eran diferentes según o momento do día.Falamos, por suposto,dos reloxos solares.
Despois, cun trociño dun carrete vello observamos o sol (Este truco contounolo Daniel, o profesor de tecnoloxía).Comprobamos que non ten raios, como o debuxamos habitualmente, senón que parece unha bola laranxa e amarela , unha bola de fogo.
Por último, observamos como grazas á enerxia so sol se poden mover as aspas dun muíño. Seguiremos facendo máis experiencias.

VAI BO TEMPO.IMOS PLANTAR

2011-05-27T22:04:00.006+02:00

Vou contar un pouco do que fixemos estes días, porque xa me reñeu Estela, por levar unha boa temporada sen poñer ningún traballo novo no blog. Pero é que se achega fin de curso e andamos liados con moitísimas cousas e non sempre hai tempo...Bueno, pois como estivemos có tema das plantas, fixemos experimentos sinxelos na clase.Metemos un caravel branco nun frasco con auga tinguida de azul. Outro metémolo en auga vermella. Comprobamos que pasados dous ou tres días os caraveis cambiaban a súa cor e volvíanse da cor da auga na que estaban. Quixemos ser máis arriesgados e partimos á metade o talo doutro caravel branco.Puxemos cada metade nun dos frascos anteriores. Viase perfectamente nuns días que o caravel se volvía metade azul e metade vermello.

Tamén comprobamos como as plantas necesitaban a luz. A unha plantiña que tiñamos na clase, tapámoslle unha folla con papel albal. Aos poucos días, aínda que a planta estaba ben verde, ao destapar a folla vimos que estaba moito máis blanquiña.

Coa axuda da profe Fina fomos ao horto do cole e plantamos 3 tomateiras nunhas macetiñas e máis 3 matas de frambuesas. Nuns días iremos ver se prenderon e medraron.

E, por último, este xoves fomos xunto cos nenos e nenas de Infantil e 2º, á Casilla do Bañal, onde plantamos un montonazo de buxos, arredor dunhas estacas, que ,cando medren van ter a forma da nosa tartaruga da Aula de Medio Ambiente.

No Bañal aproveitmos para que os nenos e nenas estrenasen a cámara de fotos que gañamos no concurso de reciclado do cole. Mirade que fotos fixeron.Están feitos uns profesionais.

CONCURSO AS BOLIQUEIRAS

2011-05-08T23:43:00.003+02:00

Nesta ocasión, os nenos e nenas de 1º, orientados pola profe Marita, elaboraron un fermoso libro sobre Castelao.O xurado decidiu que debía levar o primeiro premio na súa categoría. Este venres pasado, acudimos ao Alovi, para recoller o noso premio, e, como non, saltamos ben para celebralo..Tamén os pequenos de 4ºde Infantil e os de 3º de Primaria tiveron o seu premio. Noraboa a todos/as.

RECOLLENDO BICHOS

2011-04-28T23:11:00.002+02:00

Estamos rematando o proxecto dos animais.Como hoxe tiñamos bo día, saímos ao patio, para recoller bichiños e logo poder miralos nas caixiñas con lupa e no microscopio de animais. Que maneira de correr buscando bichos!!

A VOZ DA ESCOLA

2011-04-27T22:41:00.002+02:00

Hoxe, en "La voz de la escuela", Punset recórdanos un proverbio chino: Dime algo, y lo olvidaré. Enseñame algo y lo recordaré. Hazme partícipe de algo y entonces aprenderé.

Recoméndannos tamén un vídeo de You Tube: Aprender haciendo.Neste vídeo, Punset entrevista a Roger Schank, experto en intelixencia artificial e onde nos conta que é moito máis fácil aprender facendo as cousas que escoitando ao profesor ou lendo o que presentan os libros. A min púxomo a reflexionar e pensar en cousas que teño que cambiar do meu traballo. Por si vos interesa, aquí queda o vídeo.

DÍA DO LIBRO 2011

2011-04-27T22:05:00.004+02:00

Para celebrar o Día do Libro o equipo da biblioteca propúxonos facer un intercambio de lecturas entre nenos e nenas de Infantil, Primaria e Secundaria.Nós fomos hoxe, despois do recreo, ata a biblioteca. Alí estaban tamén os rapaces e rapazas de 3º de ESO. Recitámoslles un precioso poema: "As cores da vida ". Todos leron de maravilla e con moito interese por facelo ben. Logo, os maiores , léronnos un conto que nos gustou moito "Ovos cocidos".Como era interesante, estivemos moi atentos.Quedáronnos gañas de repetir.

FERMOSOS POEMAS

2011-04-24T22:02:00.004+02:00

Acabo de leer no blog de Ángeles, remendos, un fermoso poema de Carlos Negro para o Día Mundial do Libro.Animádevos a lelo.

Tamén Digna no su blog fixo unha moi bonita traducción ao galego dun poema de Neruda.Unha lecturiña máis.

E vou seguir abusando das miñas compañeiras, xa que no blog de Inglés podedes escoitar unha canción moi simpática que tamén nos invita a ler (Lea por favor).

E A TI, GÚSTACHE LER?

2011-04-22T00:10:00.003+02:00

Ollade este vídeo para ir adiantándonos á celebración, o próximo sábado, 23 de abril, do Día do Libro.

DÍA MUNDIAL DA TERRA 2011

2011-04-21T00:23:00.002+02:00

O día 22 de abril celebraremos o Día da Terra.Aínda que é unha labor de sempre, trataremos especialmente neste día de tomar conciencia dos problemas da contaminación, da importancia de conservar a biodiversidade e de buscar solución a problemas medioambientales para coidar a nosa Terra.Seguro que todos podemos facer algunha "acción verde" para colaborar có noso planeta:plantar un árbol, recoller un papel do chan, apagar as luces...¿A que se vos ocurren moitas máis cousas?

CUMPLES 2º TRIMESTRE

2011-04-21T00:04:00.002+02:00

Por fin celebramos os cumpreanos do 2º trimestre. Nesta ocasión felicitamos a Laura, Estela, Inés,Ángela e Alex. Como saiu tan ben a vez anterior, quixeron repetir a pizza, e unha vez máis estaba deliciosa. As familias trouxéronnos uns postres riquísimos: rosquiñas, tarta e saborosos batidos. Graciñas ás profes e familias por colaborar e Feliz Cumple.

XA CHEGOU A PRIMAVERA

2011-03-31T23:03:00.000+02:00

DIA DA DIVERSIÓN NO TRABALLO

2011-03-31T22:34:00.003+02:00

Acábome de enterar de que mañá se celebra o Día Internacional da Diversión no traballo,que este ano ten por lema "O humor, un paraugas ante a adversidade".Posiblemente sexa mellor rir que chorar, especialmente agora que o presuposto non da para tanto kleenex así que se vos animades entrade nesta páxina de humor positivo.

SEGUIMOS CON VISITAS

2011-03-30T22:28:00.004+02:00

Estamos encantados. Logo da exposición de Xairo, o xoves contamos na nosa clase có equipo de científicos do cole (nenos e nenas de 3 anos, Daniel e Leila), que nos viñeron facer uns fantásticos experimentos.

Primeiro, nunha bandexa con auga, e axudados por unhas palliñas, conseguimos facer unha impresionante marea, por veces casi parecía un tsunami.

Logo ,cun embudo e unha palliña ensináronnos a facer un chafarís ( un géiser).Por último intentamos facer unhas nubes,cunha botella e auga quente, pero...xa se sabe que os científicos non sempre acertan cós seus experimentos, e este non conseguimos que saíse ben. Outra vez será. Graciñas a este equipo de científicos por ensinarnos os seus coñecementos.

UN NOVO PROFE

2011-03-30T22:09:00.003+02:00

Hoxe contamos coa gran axuda dun novo profe, Xairo. Este neno de Secundaria preparou unha exposición en power point acerca dos animais. Como nós imos traballar ese tema, brindouse para expoñerllo aos nenos e nenas de 1º e aceptamos encantados. Gustounos moitísimo. O mellor foi que aprenderon moitísimas cousas sobre os animais e que pasaron un rato moi divertido. O peor....que cando rematou....fíxonos un exame!!!Graciñas por todo Xairo.

DÍA DA AUGA NA BIBLIOTECA

2011-03-30T22:02:00.002+02:00

No cole, para celebrar este día, decidimos facer unha serie de actividades na bilioteca. Vimos un vídeo dunha pinga de auga, fixemos exeperimentos, observamos fotos do lago...Se queredes botar unha ollada entrade no blog da biblioteca pinchando no seguinte enlace : Bibliocaxado

DIA MUNDIAL DA AUGA 2011

2011-03-15T23:58:00.001+01:00

Pincha nos elementos deste poster e pasarás un rato entretido/a coa auga.

DÍA DA MULLER 2011

2011-03-07T23:21:00.003+01:00

O día 8 de marzo celebraremos o 100º aniversario do Día Internacional da Muller,e a pesar dos evidentes progresos ao longo deste século,todavía temos moito polo que loitar.O lema deste ano é:"Igualdade de acceso á educación, á capacitación, á ciencia e á tecnoloxía:Camiño cara ó traballo decente para a muller"

Fagamos caso a Michelle Bachelet cando di:"Yo misma he visto lo que las mujeres,a menudo bajo las circunstancias más difíciles,pueden lograr para sus familias y sociedades si se les dá la oportunidad.La fortaleza, laboriosidad y sabiduría de las mujeres sigue siendo el recurso mas desaprovechado de la humanidad.Simplemente no podemos darnos el lujo de esperar otros 100 años para liberar todo este potencial"

PREPARADOS PARA A FESTA

2011-03-07T22:51:00.006+01:00

Pois, rematados os traxes, quedounos aínda tempo para ambientar os corredores con aires de China, México, Brasil e tribús indias. Tamén, con tempera, escribimos o noso nome cón símbolos chinos e coloreamos a bandeira chinesa.O venres , por fin, logo de merendar os freixós e as orellas, desfilamos no pavillón e bailamos "Chinito de amol", que nos preparou a profe Marita.

LIBRO DO ENTROIDO

2011-03-02T22:21:00.003+01:00

No blogue de Ana, Aula Tic, atopamos este fermoso libro do Entroido. Co seu permiso, ímolo utilizar,xa que ten moitas actividades interesantes para o alumnado.

REMATAMOS O DISFRAZ

2011-03-02T22:10:00.002+01:00

Pois xa que o disfraz está feito, fixemos os complementos: un fermoso paipai cun dragón, un gorriño que decoramos con símbolos chinos e unha trenza.Estas actividades encantáronlles aos nenos e nenas.

VAI DE CHINITOS

2011-02-27T23:05:00.002+01:00

SOTAVENTO

2011-02-27T22:29:00.003+01:00

No Parque Experimental de Sotavento está tendo lugar unha interesante exposición: "Con A de Astrónomas.

Logo chega o Día da Muller e ainda queda moito camiño para lograr a igualdade. Nesta exposición, a través dunhas láminas, téntase recuperar e reinvindicar o traballo de moitas mulleres que co seu traballo contribuíron a importantes avances no mundo da ciencia e particularmente na Astronomía.Aproveitade para vela e para disfrutar do Parque.

PREPARAMOS OS DISFRACES

2011-02-27T22:23:00.002+01:00

Pois este ano tocounos disfrazarnos de chinitos e chinitas (Pobos do mundo, é o tema para o cole).Xa temos as teas preparadas a agora só queda comezar a coser.Como a exeriencia pasada sirve de moito, este ano collín as agullas cun burato ben grande, para que os nenos e nenas as poidesen enhebrar eles mesmos.Mirade que ben o fan.

A POMBA DA PAZ

2011-02-01T23:15:00.001+01:00

A NOSA POMBA DA PAZ

Todos os cursos de E.Infantil e Primaria colaboraron na realización dunha pomba-puzzle (a pomba de Picasso, con materiais de refugallo.

Quedou ben fermosa.Con ela aproveitamos para desexarvos a tod@s que teñades moitos días de PAZ.

ACHÉGASE O DÍA DA PAZ

2011-01-20T22:36:00.005+01:00

En Aula Tic atopamos actividades moi interesantes para este día e aquí as deixo para que pasedes un ratiño entretidos/as.

DÍA DA EDUCACIÓN MEDIOAMBIENTAL

2011-01-20T22:05:00.002+01:00

Ten iniciativa, sé responsable e loita por un mañá mellor.

BO NADAL

2010-12-28T23:54:00.004+01:00

Aproveito o mural que temos na entrada do cole para desexarvos a todos e todas unhas Felices Festas.

NADAL CON SEOANE

2010-12-28T23:31:00.002+01:00

Todos os cadros de Seoane, que foron facendo os diferentes cursos, quedaron preciosos.Están colocados no patio cuberto e dá gusto velos.Que traballo máis bonito! Tamén quedou moi linda a nosa árbore de Nadal, que adornaron os pequech@s de E. Infantil.Bo Nadal a tod@s.

ESTAMOS DE CUMPREANOS

2010-12-28T21:42:00.002+01:00

Xa casi no final do trimestre, celebramos o cumpreanos de Carla, Clara e María. Os nenos e nenas fixeron unha pizza, que saiu riquísima. As mamás trouxeron tiramisú e magdalenas.Todo estaba exquisito e pasámolo fenomenal.Felicidades a todas.

Reciclamos no Nadal

2010-12-20T22:55:00.003+01:00

ESte ano estamos moi postos a reciclar.Customizamos uns paquetiños de regalo de propaganda que atopamos para facer adornos para os corredores. Tamén reciclamos o mural das cores secundarias. Fixemos estrelas para os nen@s do 1ºciclo e decoráronas libremente e con moita imaxinación.Quedaron ben lindas!!

LUÍS SEOANE

2010-12-19T23:32:00.003+01:00

Para celebrar o centenario do nacemento de Luis Seoane, e animados polo equipo da biblioteca do centro, fixemos uns murais baseados nas súas pinturas, aos que engadimos textos relacionados có Nadal.

CARAMUXO TEATRO

2010-12-19T23:24:00.002+01:00

Gustounos moito "Historia dunha semente", de Caramuxo Teatro.Trátase dunha fábula fermosa, sobre a natureza e os cambios que se producen nela. Os actores, con imaxinacion e fantasía, fixéronnos reflexionar sobre a importancia de coidar o noso medio ambiente.

DIA INTERNACIONAL CONTRA A VIOLENCIA DE XÉNERO

2010-11-25T00:03:00.005+01:00

Eu tamén digo non á violencia hacia as mulleres.

DEREITOS DA INFANCIA

2010-11-21T21:31:00.002+01:00

Onte, 20 de novembro, celebramos o Día dos Dereitos dos Nenos e Nenas. O tratado da Convención sobre os dereitos da infancia é un dos máis ratificados a nivel internacional, pero ao mesmo tempo é un dos que menos se respecta e máis se vulnera.Hoxe no Semanal de La Voz de Galicia podíamos ler que " Los menores siguen siendo las victimas silenciosas de la guerra, el hambre y la marginación".Non podemos ignorar isto. Todos debemos coñecer , respectar e defender os dereitos dos nosos nenos e nenas.
Aquí tedes un fermoso vídeo de solidariedade entre compañeiros.Impresiona.Atopeino visitando o blog de Nuria Chinchilla.

SIN PALABRAS

2010-11-13T18:26:00.003+01:00

Un biquiño moi grande a tódolos nenos "especiais", que nos fan ver que grandes son e que pequenos somos.

E como eu non teño palabras , aquí tedes as de Luis Fonsi.Nunca vos dedes por vencidos.

O CAZO DE LORENZO

2010-11-13T18:05:00.003+01:00

Este é un contiño que, con palabras sinxelas e fermosas ilustracións,nos axuda a falarlles das diferencias aos máis pequenos.Cóntanos a historia de Lorenzo, un neno diferente, con dificultades que día a día ten que afrontar para saír adiante.

OS NOSOS FUNGOS

2010-11-09T16:42:00.001+01:00

Este ano, para participar no Concurso de Fungos e Cogomelos decidimos facer dous traballiños. Cunha botella rechea de pedras e unha cartolina elaboramos unha fermosa seta. Polo seu talo colocamos outras setiñas, feitas con paus dos xeados e masa. Pintamos todo con témperas.
Por outro lado, na clase de alternativa, Inés e Carla fixeron un cadro que representaba unha paisaxe. Alí colocaron as súas setas. Fixeron o relevo da paisaxe con pasta de papel.Pintaron con témperas e adornaron os bordos do cadro con folliñas dasque recolleramos para o mural de outono. Pasamolo moi ben facendo esta actividade, ainda que nos deu bastante traballo. O mellor foi que gañamos dous premios. Con eses cartiños mercaremos máis cousas para facer actividades creativas en plástica.

A COCIÑAAAR...

2010-11-08T21:58:00.004+01:00

Este venres pasado foi o día dos obradoiros de cociña.Os nenos e nenas de 2º fixeron un biscoito riquísimo e nós fixemos unha deliciosa tarta de castañas. Utilizamos a receita da tarta de améndoas que xa fixéramos o curso pasado.É moi sinxeliña. Mezclamos nun cunco 250 g de castañas crudas moídas, 230 g de azucre, un sobre de levadura e 5 ovos. Ao forno uns 45 minutos e listo.Por certo, encantoume o estilo que teñen os nenos e nenas có batedor de varillas.Nótase que xa fixeron algún que outro obradoiro de cociña.

2010-11-04T23:59:00.002+01:00

Hoxe, 4 de novembro, celebramos por primeira vez o Día da Ciencia en Galego. Este ano está adicado ao astrónomo e matemático galego Ramón María Aller, ao físico escocés James Clerk e tamén a Alfonso X O Sabio.Unímonos a esta iniciativa, xa que estamos plenamente convencidos de que a ciencia en galego é posible e ademáis necesaria.

ESTÁ CHEGANDO O SAMAÍN

2010-10-27T22:56:00.002+02:00

Falta moi pouquiño para o Samaín. A nosa biblioteca vai collendo un aire diferente. Bruxas, vampiros, cabazas, morcegos...van tomando o seu sitio para quedarse uns días con nós.Hoxe estivemos alí. Aproveitamos para ler un pouquiño e tamén rematamos de pintar un fermoso mural que profes e nenos e nenas doutros cursos xa foran facendo.

E por se alguien se anima, pinchade aquí e atoparedes unhas terrorificamente deliciosas receitas para o Samaín.

PRIMARY AND SECONDARY COLOURS

2010-10-26T23:49:00.003+02:00

Para aprender e recoñecer os "Primary colours" fixemos unha actividade de soplado con palliña, utilizando témpera líquida (red ,yellow and blue).Tamén con estas cores, pintaron uns carteis cos seus nomes; logo pegámolas sobre un mural feito cun rodillo, con "secondary colours".
Como actividade de outono pintamos follas secas e estampámolas en folio, utilizando as cores libremente.

A. EDUCATIVA

2010-10-26T23:26:00.002+02:00

Xa levamos varias sesións de Alternativa á Relixión e fixemos diferentes tipos de traballos. Coloreamos con témperas un cartel de outono, para poñer no recuncho dos proxectos. Noutra sesión fomos ata a biblioteca do cole. Alí limos un libro que lles gusta moito: "Mamá, ti si que me entendes" e logo fixemos con rotuladores un debuxo relacionado coa lectura.Tamén decidimos facer un cuadro con setas feitas de barro, para o concurso dos Fungos e cogomelos.Finalmente, para que no nos quede nada, e xa que chega o Samaín, reciclamos unhas bolsiñas de papel (das que dan nos comercios) e transformámolas en "bolsas pantasmais"(Esta actividad encantoulles).

SEMENTES DE OUTONO

2010-10-26T23:07:00.002+02:00

Estamos no outono, e aproveitando o bo tempo, baixamos ata o viveiro do cole para plantar unhas sementes. Este ano plantamos landras e castañas que trouxeron os nenos e nenas. Despois de ben plantadiñas, regámolas.Agora esperaremos uns días e logo voltaremos velas. Esperemos que medren todiñas.

O samaín

2010-10-25T23:51:00.001+02:00

Aquí tedes un vídeo dunha canción de Mamá Cabrá, que vos encanta a todos. Na Clase encántalles xogar ás estatuas con esta música.

PROXECTO: EXPERIMENTAMOS 1

2010-10-25T21:53:00.003+02:00

Xunto co nenos e nenas de 2º e da súa profe Fina, decidimos facer un pequeno proxecto de experimentos. Para comezar fixemos un moi sinxelo: un globo a propulsión. Utilizamos un pouquiño de cordel, unha palliña, un globo e unha pinza para cerrar o globo logo de telo ben cheo de aire.Para ser o primeiro experimento, saíunos de rechupete. Estamos desexando repetir.

XOGAMOS CÓ CORPO

2010-10-17T22:25:00.003+02:00

Aínda que o curso pasado, traballaron coa profe Oliva o corpo, nun fermoso proxecto, este ano ímolo revisar un pouquiño, porque parece que é un tema que lles gusta moito e quixeron comezar por el. Estivemos traballando algún dos sentidos. Aproveitamos para ulir algunhas esencias, para ver se as coñecían. Anxo, cando uleu a menta, dixo que iso era como uns caramelos que tiña a súa avoa na casa. Tamén se aproximaron ao eucalipto. O resto eran un pouco difíciles: ourego, tomillo...

Para traballar o sentido do gusto, fixemos unha pequena degustación de froitos secos: anacardos ,pistachos, cacahuetes, pipas...Deixamos para esta semana a degustación de froitos carnosos de outono.

Cos ollos vendados descubrimos o importante que é o sentido da vista e o moito que o necesitamos. Intentamos recoñecer aos compañeiros utilizando outros sentidos: o oído, para identificalos polas súas voces (foi bastante fácil), o tacto (este xa foi moito máis complicado). Utilizamos tamén o tacto para identificar algúns obxectos.

Despois de repasar o esqueleto, movémonos pola clase e comprobamos que o corazón latía máis rápido. Logo observamos que o noso corpo podíase doblar por partes diferentes, chamadas articulacións.

A VOLTAS CÓ INGLÉS

2010-09-28T22:33:00.003+02:00

Pois sí, aquí estamos a voltas có inglés. Empezamos o primeiro día de Plástica. Este ano como temos sección bilingüe, iremos empregando, ademáis do galego, o Inglés. A verdade é que o primeiro día pasámolo moi ben. A máis nerviosa foi a profe.En canto aos nenos e nenas pasárono estupendamente. Nestas idades , a lingua para eles é un xogo. Non teñen problema en falar e repetir todas as expresións que empregamos. Ás veces ata nos poñen en apuros, porque preguntan tanto e queren saber tantas cousas!!!! Pero bueno, supoño que iso non é malo.

CHEGOU O DÍA

2010-09-26T21:55:00.002+02:00

Por fin tivemos a presentación. Os nenos e nenas chegaron contentos. Bueno ,algún chorou un pouquiño, pero logo se lle pasou. Supoño que eran moitas cousas novas. Non estaba a súa profe Oliva, a súa aula estaba na planta de arriba do cole...Enseguida comezaron a coller confianza, a obsevar a súa clase, a querer xogar e ler os libros novos. Son moi falangueiros, creo que será un grupo estupendo.

O VENRES COMEZAMOS

2010-09-06T22:32:00.002+02:00

O venres día 10 comenzamos as clases.Despido con agarimo a uns nenos e nenas que durante dous anos foron medrando no meu corazón...e con ilusión e nervios espero ansiosa coñecer ao novo grupo de alumnos, que tamén alí irán ocupando o seu sitio:Iker, Estela, Jesús, María, Juan, Alex, Ángela, Inés, Anxo, Carla, Laura e Clara. Espero tamén poder entrar nas súas mentes, poderlles falar aos seus corazóns , entender as súas emocións...Paréceme mentira, pero cada ano que pasa, en vez de estar máis tranquila, estou máis nerviosa. Por que será?

O REMATE

2010-09-05T22:02:00.003+02:00

Tedes que perdonar, pero esquecíame de poñer algunhas cousiñas que fixemos ao final do curso.Como o ano pasado, celebramos conxuntamente os cumples de tódolos nenos e nenas. Este ano, fixemos unha celebración conxunta cos alumnos de 1º e como novidade, xantamos na cafetería do cole. Que boas estaban as pizzas! O último día ,no pavillón do cole, bailamos, cantamos e tocamos unhas fermosas cancións que preparamos coa profe Marita. Gustounos moito.

ÚLTIMAS SAÍDAS

2010-06-28T22:37:00.002+02:00

E xa no remate do curso fixemos dúas últimas saídas do cole. A proposta de Marita, visitamos a oficina de Correos e a Biblioteca Municipal. Logo , o día 18, fixemos a excursión de fin de curso, este ano a Santiago.Como sempre, foi estupenda e pasámolo moi ben. Pola maña estivemos na Escola de Prevención de Riscos, onde os nenos e nenas participaron en diferentes obradoiros de seguridade.Cando saímos de alí, xa con fame, fomos xantar na Alameda.Para baixar a comida, e como facía moi bo día, demos un paseíño ata a praza do Obradoiro.Máis tarde fomos ata MUPEGA, onde aprendemos moita cousas do noso pasado. Rematamos cunha boa merendola no Monte do Gozo.Graciñas á ANPA polos batidos de chocolate, que estaban boísimos.

CONCERTO NA PRAZA VERMELLA

2010-06-09T22:31:00.002+02:00

Este ano o Conservatorio celebra o seu XX aniversario. Noraboa. Para celebralo organizan diferentes actividades, unhas no propio Conservatorio, outras nos coles, no Alovi. Nesta ocasión poidemos asistir a un concerto na Praza Vermella. Participaron nenos de todos os coles, acompañados polas especialistas en música e os seus titores/as.Que calor facía alí! Tivemos que escapar para a sombra. O concerto foi bonito e estivo acompañado por unha pequeniña representación teatral.

SUSO CUBEIRO

2010-06-09T22:05:00.003+02:00

Como se pode ver, estes días estivemos cargadiños de actividades entretidas e interesantes. Unha das que máis lle gustou a os nenos foi a visita de Suso cubeiro. O ilustrador estivo no cole o día 25 de maio e deixounos a todos cos ollos abertos cos seus fermosos debuxos.Non nos chegou o tempo a nada.

OBRADOIROS NO MERCADO VELLO

2010-06-05T22:47:00.004+02:00

No Mercado Vello tivo lugar unha exposición de artesáns, adicada a Uxío Novoneyra. Acudimos alí os cursos de 1º e 2º. Na exposición poidemos atopar pezas feitas en madeira,de canteiría, con materiais de refugallo, alimentos artesáns, tapices....Ademáis, os nenos e nenas poideron participar en nos obradoiros de pirograbado, traballo con papel de periódico e coloreado dun conto.Foi unha actividade moi interesante.

CAMIÑATA POLAS RIBEIRAS DO SOR

2010-06-05T22:39:00.001+02:00

O luns 24, acompañados polos nenos e nenas de 1º,3º, e 4º fixemos unha pequena camiñata dende Negradas ata o porto do Barqueiro.Esta saída, como o ano anterior, foi organizada pola AMA e o Departamento de E.F.Ainda que fomos un bon trociño por estrada, este roteiro permitiunos disfrutar dunha mañá en contacto coa natureza e cos compañeiros. Vimos campo, río, mar, anmais, vías do tren...Os nenos e nenas portáronse moi ben e camiñaron como campións, sen queixarse nada, aínda que cando chegamos ao Barqueiro estaban a maioría deles mortiños de sede e fame (xa era hora da merendiña do recreo).Loguiño descansaron e ainda estaban con forzas para corrrer e xogar.

AS BOLIQUEIRAS 2010

2010-06-05T22:29:00.003+02:00

O dia 21 de maio, seguindo con actividades relacionadas coas Letras Galegas e a nosa lingua, celebrouse na Casa Dopeso a entrega dos premios do Concurso As Boliqueiras, que este ano tiña por lema "Divírtome coa lingua".Nenos e nas do noso cole acudiron a recoller os seus premios. Os nenos e nenas de segundo recibiron o terceiro premio, por un traballo ben fermoso que fixeron coa profe Marita. Grazas Marita, por axudarnos tanto.

DOUS PALLASOS EN APUROS

2010-05-27T23:37:00.002+02:00

A ANPA do noso centro, en colaboración coa Deputación da Coruña , programou para o mércores 19 de maio unha representación teatral a cargo de compañía Os sete magníficos máis un.A obra titulábase Dous pallasos en apuros . Pola Casa Dopeso pasaron Don Quijote e Sancho, Guillermo Tell e dous dentistas un pouco tolos. Foi unha hora de diversión e risas a gargalladas. Moitas graciñas á ANPA.

RECITADO NO LICEO

2010-05-27T23:06:00.003+02:00

O día 17 de maio, invitados pola Asociación Cultural Liceo, acudiron dúas nenas da nosa clase a facer unhas lecturiñas en galego, para celebrar o Dia das nosas Letras. Xuntáronse alí nenos e nenas de todos os coles. Todos eles recitaron e dramatizaron fermosos poemas e contos. Carmen e Ángela fixérono estupendamente, moi tranquilas e con moito sentimento. Tamén nos acompañaron tres nenos de Secundaria: Andrea, Iago e Gabriel. Algúns membros do grupo poético Alalá recitaron poesías, tanto de creación propia como de Uxío Novoneyra. E por suposto non faltaron os gaiteiros.

LETRAS GALEGAS 2010

2010-05-17T22:15:00.004+02:00

A Real Academia Galega adica o día de hoxe ao gran escritor Uxío Novoneyra, poeta do Courel .Se pinchades aquí , entraredes na súa web e atoparedes moita información acerca da súa biografía, obras, poemas, vídeos, fotos, grabados...

Nós, no cole, fixemos moitas actividades relacionadas con este día: pegamos carteis nos corredores, estudamos nas clases ao autor e as súas obras e...como non, preparamos o noso Festival das Letras Galegas. Este ano como novidade celebrámolo no auditorio Alovi, o xoves día 13. O sitio é estupendo, con grande capacidade para acoller ao alumnado e ás súas familias, e cun gran escenario. Todo resultou moi bonito. Alí celebrouse a "voda do piollo e a pulga", soaron versos de Rosalía e de Uxío Novoneyra, chegou unha "linda ratiña de Compostela,vimos tamén á "Tia Lambida"; con Avelino Cachafeiro descubrimos como xurdiu a muiñeira de Chantada ;bailamos o "move rock "e "A roda".Como non podía ser doutro xeito, rematamos o festival cantando todos xuntos o Himno Galego, acompañados de dous gaiteiros de categoría, Carlos e Carolina.

Logo do festival e do recreo, acudimos á Biblioteca do cole, onde membros da ANPA entregaron os premios do Certame Literario e Artístico, que este ano tiña por lema As nosas aldeas.Houbo traballos ben fermosos.

Tamén alí se entregaron os premios do Concurso de Reciclado organizado pola Aula de Medio Ambiente do cole.Non deixa de sorprendernos cada ano o traballo, a creatividade da nosa comunidade escolar. Graciñas a todos por participar.

Xa para rematar , na tarde de hoxe, algúns nenos e nenas do cole (e dos demáis coles da localidade),acudiron ao Liceo para recitar poesías, contos , dramatizacións...Membros do colectivo poético Alalá tamén recitaron as súas poesías.Os Suplentes, gaiteiros da vila, animaron este festival.

ANÓNIMOS CON EL AUTISMO

2010-04-25T23:48:00.003+02:00

Entereime por casualidade de que Maite tivo a brilante idea de "inventarse" un premio, un premio chamado ANÓNIMOS CON EL AUTISMO, coa intención de que o reciba toda aquela xente que co seu traballo, cariño e dedicación fai posible que as persoas con TEA teñan un futuro cargado de posibilidades, aínda non estando directamente vinculados con eles.A min gustaríame darlle este premio a todos os membros da nosa comunidade educativa(mestres, pais e nais, nenos e nenas), que día a día , co seu labor feito de corazón, coa súa aceptación e tolerancia ante as diferencias, fan posible que os nenos e nenas con TEA avancen no seu aprendizaxe na escola, disfruten cos seus compañeiros, rían , canten , xoguen...

Acompaña a esta imaxe, a este premio, un fermoso vídeo que se titula "El arco iris del autismo".Espero que vos guste, que disfrutedes moito con él e que atopedes moitas máis persoas a quen poder entregar este premio.

PROXECTO UNIVERSO

2010-04-25T23:25:00.002+02:00

Empezamos estes días un novo proxecto: O Universo. É un tema apasionante e creo que lles está gustando moito a tódolos nenos e nenas . Trouxeron moitos libros, debuxos, xogos, murais, DVD'S. Saben xa moitas cousas do universo, pero queren aprender moitas máis. Agora están traballando en parellas. Cada parella busca información,nos materiais que temos na clase, dun planeta.Logo elaborara un pequeno mural e expoñen aos seus compañeiros a información que conseguiron e que lles pareceu interesante.Como sei que tamén lles gusta mirar os blogs do cole, aquí lles deixo unhas cousiñas para que se entreteñan e aprendan un pouco.

E ademáis, por se vos animades a cantar...

DIA DA TERRA

2010-04-18T01:18:00.005+02:00

E seguimos con celebracións, xa que o próximo día 22 conmemórase algo tan importante como o nacemento do noso planeta, o Día da Terra. Seguro, segurísimo que todos podemos facer moito por coidar e mellorar o lugar onde vivimos.Dende a páxina de erenovable, aconséllannos fomentar o uso de enerxías renovables e limpas. Se pinchades no enlace, podedes atopar información ben interesante.

Por outro lado, nesta outra páxina, amósannos 10 accións moi sinxelas, ao alcance de todos, para cambiar a mellor a nosa Terra.Podemos facelas, seguro.

A PROPÓSITO DO LIBRO

2010-04-18T00:17:00.004+02:00

Estamos chegando ao 23 de abril e preparámonos para celebrar o Día do Libro.Cos alumnos lembraremos que este día ten que ver co falecemento de tras grandes escritores: Cervantes, Shakespeare e Inca Garcilaso de la Vega. Falaremos tamén de que este ano ríndese homenaxe especial ao gran poeta Miguel Hernández, poeta do pobo, no centenario do seu nacemento. Poeta que nos seus libros non se esqueceu dos nenos. E por suposto, faremos moitísimas actividades de lectura, plástica...

A propósito do libro, nesta páxina podedes atopar un curioso vídeo da campaña "Leer está de moda". Un simpático xove presenta en primicia un "book" e explica as súas ventaxas sobre outras máquinas:

-funciona sin cables, sin batería, sin conexións...

-é compacto e portatil, pódese levar a calquera lado.

-non precisa ser recargado en ningún enchufe.

-está formado por follas de papel que se pasan có dedo.

- non se colga nin é preciso reinicialo.

-pódese utilizar un marcapáxinas opcional.

-cada un decide cando quere ler e cando quere parar.

Bueno, pois a mín paréceme que abrir un libro e poder disfrutalo é un invento fantástico, non si?

TODOS A RECICLAR

2010-04-17T23:06:00.002+02:00

A Aula de Medio Ambiente do Centro convocou un ano máis o concurso de reciclado. Inmediatamente puxémonos mans á obra. Algúns nenos trouxeron traballos feitos na casa, nos que colaboraron os seus papás e mamás. Tamen na clase fixemos dous traballos colectivos: uns portafotos con tapas dos envases de zumes e uns suxeitalibros ben chulos.

IMOS AO TEATRO

2010-04-17T22:50:00.004+02:00

O día 8 de abril acudimos á Casa Dopeso. Alí , a compañía de teatro BABALUVA presentounos a súa obriña LUME. Era unha fermosa historia que tiña moito que ver co medio ambiente. Nun bosque préndese lume e os animais colaboran para apagalo. Todos os personaxes e os decorados estaban feitos con materias de reciclaxe e de uso cotiá: banquetas, cuncas, pratos, culleres, medias, calcetíns...

EXPERIMENTOS CON AUGA

2010-04-06T22:19:00.003+02:00

Para celebrar o Día da Auga, preparamos uns experimentos moi sinxelos para facer con auga. Invitamos tamén a participar aos nenos e nenas de 1º. Para comezar falamos acerca das propiedades da auga e tratamos de comprobalas: ulimos, vimos que non tiña cor, vimos como ao cabiar auga de recipiente tamén cambiaba a súa forma...

Logo deixamos o grifo dunha botella de auga un chisquiño aberto, goteando un casi nada sobre unha palangana. Ao cabo dun rato de estar facendo outro experimento, poidemos comprobar que a botella perdera máis da metade da auga. Os nen@s expresaron as súas opinións e entenderon que moitas pequenas gotas poden facer que se perda unha gran cantidade de auga.

Despois pensamos que podería ocurrir se metemos un ovo nun vaso de auga. Houbo diferencia de opinións. Fixémolo e viron que o ovo afundíu na auga.Probamos a disolver unha boa cantidade de sal nese vaso e volvemos a intentalo. SORPRESA! Agora conseguimos que o ovo flotase.

Por último deixamos esa auga con sal nun recipiente, cerquiña das ventás.Ao cabo de pucos días observamos que se produxo a evaporación da auga e só quedaba o sal.

Pasamos un rato entretido e seguiremos buscando máis experimentos.

DIA INTERNACIONAL DO LIBRO INFANTIL E XUVENIL

2010-04-05T15:26:00.003+02:00

O día 2 de abril celébrase o Día Internacional do Libro Infantil e Xuvenil para festexar o nacemento do gran escritor Hans Christian Andersen,autor de tantísimos contos para nenos . A esquerda tedes o cartel conmemorativo deste ano.Se pinchades aquí podedes ver tamen a mensaxe de Eliacer Cansino.Vale a pena , atoparedes un fermoso texto. No cartel, vese unha árbore e nas súas poliñas están medrando libros. Tamén vemos un neno gabeando para poder chegar ata onde un libro o agarda. O lema deste ano é "Un libro te espera, búscalo."Pois todos a buscar ese libro que nos está esperando.Lede moito e lede xunto aos vosos fillos e con eles.Se vós ledes, eles len tamén e non esquezades que , como dicía Günter Grass Non hay espectáculo máis fermoso que a mirada dun neno que le.Se estades animados/as pinchade aquí e poderedes disfrutar de moitos contos de Andersen.E se queredes ler máis temos outras páxinas interesantes de lecturas.

BISCOITO DE AMÉNDOAS

2010-04-05T14:54:00.002+02:00

O mércores 24 de marzo, como nos veu o forno novo decidimos probalo e facer un biscoito de améndoas moi sinxelo. Precisamos 250 g. de améndoa moída, a mesma cantidade ou un pouco menos de azucre e uns 5 ovos.Mirade as fotos e veredes que sinxelo de preparar.Non me deu tempo a facerlles fotos comendo, porque foi visto e non visto.Non durou nada.Bueno, Ángela dixo que lle gustaba máis se tivera menos azucre.

A CASA DOS PEIXES

2010-04-04T22:11:00.004+02:00

O martes 23 de marzo os nenos e nenas de 5º e 6º de E. Infantil e os de 1º,2º e 3º de E. Primaria, xunto cun grupo de profes, visitaron a Casa dos Peixes, na Coruña. Neste caso, as entradas corrían a cargo de Voz Natura, por ser o noso un centro colaborador. Tivemos un bo día, pasámolo estupendamente, quedounos tempo para unha merendiña e chegamos ao cole moi puntuales para a hora da saída.

DÍA MUNDIAL DA AUGA 2010

2010-03-21T10:20:00.011+01:00

Cada ano, o día 22 de marzo, celébrase o Día Mundial da Auga.Este ano, ONU-AUGA quere adicar este día á calidade da auga, co fin de demostrar que na xestión dos recursos hídricos, a calidade é tan importante como a cantidade.

No Día Mundial da Auga, debemos entender que a auga limpa é vida, e que polo tanto, as nosas vidas dependen do noso esforzo e traballo por protexer a calidade da auga do noso planeta.Se pinchades no enlace atoparades máis información sobre este tema.

Tamén na web oficial do día da auga podedes ler información sobre como se foi celebrando este día ao longo dos anos, fotos bonitas, posters, vídeos.Podemos aprender cousas moi interesantes.

Aquí vos vai tamén un pequeno vídeo, é moi sinxelo, pero ao mellor sírvenos para reflexionar un pouquiño sobre a importancia da auga.

PLANTAMOS BULBOS

2010-03-21T09:39:00.002+01:00

O pasado martes, aproveitando que non facía mal tempo, fomos ata o viveiro do cole. Estivemos mirando as sementes que tiñamos plantadas dende o outono, pero a verdade é que non medraron moitas.Pero non nos desanimamos e imos seguir plantando. Nesta ocasión plantamos uns bulbos. Uns poucos deixamolos no viveiro, e outros poucos levámolos para a clase.Estamos seguros/as de que imos ter unhas flores chulísimas.

O PASADO

2010-03-20T10:33:00.002+01:00

Enlazando coa situación da muller hai uns anos, estamos estudando un pouquiño o noso pasado. Como sempre os nen@s e as familias volcáronse traendo material. Moitas graciñas a todos. Cantas cousas aprendemos desta maneira que non veñen nos libros!Grazas tamén aos compañeiros, en este caso Fina F. e José Mª, que compartiron con nós o seu tempo, o seu saber e o seu coñecemento do museo.Uns nen@s recordarán dúas cousas, outros catro...pero seguro que todos aprenderon cousiñas que non van esquecer.

DÍA DA MULLER 2010

2010-03-20T09:22:00.002+01:00

Seguimos con máis actividades para celebrar o Día da Muller. Nesta ocasión, chegaron dende o Departamento de Cultura do Concello una avoa e a súa netiña, coas que pasamos un rato moi entretido. Grazas a elas soubemos como era a vida das mulleres hai uns anos, e que cousas cambiaron para as mulleres de agora.Seguiremos traballando, que aínda queda moito por mellorar.

ESCRIBIMOS CON PLUMILLAS

2010-03-10T22:37:00.002+01:00

Como estamos có proxecto O pasado, aproveitamos para visitar o museo do noso cole, acompañados por José Mª, que nos explicou moitas cousas interesantes. Tamén tivemos a sorte de que a profe Fina Fernández viñese á nosa clase. Ela sempre escribe con pluma estilográfica e trouxonos unhas plumillas e uns tinteiros para explicarnos como escribían na "vella escola".Poidemos practicar un bo rato e démonos conta do difícil que era escribir sin facer borróns, sen manchar as mans...Pero de tódolos xeitos, nenos e nenas estaban encantados e non querían parar de escribir coa plulmilla.Graciñas José Mª e Fina, porque as vosas explicacións aportáronnos ledicia, saber e aprecio polo noso pasado.

DÍA DA MULLER-2010

2010-03-06T21:54:00.002+01:00

O próximo luns, 8 de marzo,celebramos o Día Internacional da Muller.Sírvenos para lembrar que queda moito por loitar e traballar pola igualdade de dereitos e oportunidades.A igualdade, máis que un dereito xa debería ser unha obligación.Dende a casa e dende a escola temos que traballar a coeducación dos nosos nenos e nenas e colaborar así co esforzo de tantas e tantas mulleres do mundo para chegar á igualdade, conseguir respecto, xustiza e paz.

A profe Angeles, no seu blog remendos, puxo uns contiños moi lindos, que veñen moi ben para este día,e, co seu permiso, vou aproveitar para recomendárvolos.O libro dos porcos xa o traballamos o ano pasado e seguro que o recordades.Se queredes ver Rosa Caramelo, pinchade aquí.Tamén vos gustará ler Arturo e Clementina,pinchade aquí para ler o conto.E se queredes ler máis, entrade en remendos, que é un blog precioso.
Se ademáis de ler vos gusta escoitar música, seguro que vos gustará escoitar está canción de Luar na Lubre,adicada en especial al loitadoras mulleres galegas.

Tampouco está mal, xa que estamos co plurilingüismo escoitar Woman e ver o que John Lenon pensaba das mulleres.

FELIZ DÍA A TODAS AS MULLERES