domingo, 14 de diciembre de 2014

RECURSOS PARA O NADAL


Xa que nas nosas asambleas estamos a falar estos días do Nadal, aquí quedan algunhas lendas que poden ser interesantes.


martes, 9 de diciembre de 2014

4º DE PRIMARIA: EXCELENTES MESTRES


O xoves estiveron con nós os nenos e nenas de 4º e a súa mestra Berta. Eles traballaron en grupo diferentes tipos de animais  e viñeron presentarnos as súas investigacións. Nos vos podedes imaxinar que ben o fixeron!!
Faláronnos da cebra, dos golfiños, dos leóns e das cobras. Logo os nenos e nenas de primeiro fixéronlles moitas preguntas. Foron moi esixentes, pero a alumnado de cuarto soupo saír airoso deste duelo de interrogacións.
Que rato máis  chulo pasamos! Graciñas aos nen@s e a Berta e esperamos contar con eles noutra ocasión.

jueves, 27 de noviembre de 2014

SEGUIMOS COAS VISITAS

Nesta ocasión, achegáronse ata o cole a mamá e a prima de Alba, de primeiro. Trouxéronnos uns animais mamíferos.... e ROEDORES. Veredes que preciosos. Eran uns coelliños de Indias e un hámster ruso, dos que , por suposto, aprendemos moitas cousas. Sería imposible aprender todo o que levamos aprendido sen estas visitas. Graciñas a todas por facer o noso traballo moito máis  divertido e fructífero.


domingo, 23 de noviembre de 2014

OUTRA VISITA SORPRENDENTE

Seguindo có noso proxecto dos animais, recibimos a visita da mamá de Érika, de 2º. Nesta ocasión traía con ela unha cabuxiña anana (¡Que chulada!) e un precioso gato persa. Contáronnos moitas cousas. A cabuxa, Bambi se chama, ainda tiña un mes, e como é mamífera, ainda está tomando leite da súa nai. Pronto empezará a comer cereais e outras cousiñas. Vimos tamén fotos da sá mamá e do seu papá.
Do gato, outro mamífero, tamén aprendemos moito. Escoitamos o que comía, ensináronnos o peite para peitearlle o seu pelo, aprendimos que ten que tomar unha pomadiña para evitar as bolas de pelo que ás veces se comen...
A avoa de Érika, que tamén estivo con nós, ten moitísimos animais e con ela disfrutamos escoitando as súas historioas. ¡Que ben nos portamos e que interesantes son estas clases!
Graciñas ás dúas pola súa visita.

jueves, 20 de noviembre de 2014

INVESTIGAMOS NO NOSO MUSEO

Unha das fabulosas ideas que xurdiron na asamblea, foi investigar no museo etnográfico do noso cole por si había cousas relacionadas cós animais. Claro que sí! O noso museo ten de todo.
Nunha primeira sesión, logo de falar dos animais domésticos, (axúdannos nos traballos, dannos alimento, compañía, serven de medio de transporte...) fomos ver a parte do museo onde está o carro. Charlamos de como as vacas tiraban do carro, dos arados, vimos os xugos, os bozos, as cordas... O profe Paco, que pasaba por alí, colleunos unha AGUILLADA, para que a poidésemos ver mellor. Menuda punta que tiña! Quedamos moi sorprendidos cando descubrimos que había que ter un permiso para poder ter ese tipo de vara, unha especie de carnet.



Noutra sesión vimos a parte do museo relacionada cós cabalos. Como na clase temos toda unha experta, Saleta, que esta practicando hípica, foi ela a que nos explicou moitas cousas:
falounos do estribo, das riendas, das espuelas , da silla de montar, da manta que se pon debaixo da silla para que non se manque o cabalo, das ferraduras...Tamén nos contou como debíamos tirar das riendas para que o cabalo fose á dereita, á esquerda ou de frente.
Como é unha gran amazona, primeiro empezou indo ao paso e agora xa vai a trote e mesmo algo a galope.
Na parte de abaixo do cole, xunto á clase dos máis peques, hai unha sección adicada á matanza do porco. Fernán e Manuel, que sabían moito do tema, explicáronnos moitas cousas. A máquina de facer os chourizos resultoulles moi interesante.




Tamén nese corredor, vimos a sección de caza e pesca. Aquí todos sabían moito, porque hai moitos papás e avós que son cazadores.





lunes, 17 de noviembre de 2014

O FABULOSO MUNDO DOS ANIMAIS

Os nenos e nenas de primeiro decidiron aprender moitas cousas, ademáis de todas as que xa saben, sobre os animais. Como temos unha biblioteca fabulosa achegámonos ata alí para buscar libros que nos servirán como fonte de información. Voltamos para a clase con dúas mochilas cheíñas de libros.





Tamén os nenos e nenas trouxeron das súas casas un montonazo de material: vídeos, contos, debuxos, fotografías, bonecos... Estásenos quedando pequeno o noso recanto dos animais.Mirade, mirade!


Logo empezaron a chegar as sorpresas. Saleta trouxonos caracois. Observámolos , collémolos, falamos dos usos da baba do caracol...


O luns tivemos unha visita moi especial. Carla, a tía de Manuel, veu pasar un ratiño con nós. Na pantalla dixital da aula de informática, vimos unha presentación sobre as características dos animais. Estivemos moi atentos e aprendemos todo, todiño.
Pero o mello de todo foi que nos trouxo a súa cadeliña, Nana. Ademáis de ser preciosa, é moi tranquila, porque os nenos non a soltaron nin un momento.
Noutra caixiña viñan dos coelliños; probamos a darlles de comer unhas berzas, pero ou non tiñan moita fame, ou estaban un pouco nervosos con tanto neno.( Os nenos e nenas de segundo e a súa profe Fina, tamén nos acompañaron).
E noutra caixiña estaban uns pitiños pequeniños. Tamén os collemos e ollamos a sua plumaxe. Rímonos moito cando un deles decidiu que xa era hora de facer caca. Uff, Kevin librou polos pelos!!!








MOITÍSIMAS GRAZAS CARLA POR COMPARTIR ESTE RATIÑO CON NÓS.

lunes, 3 de noviembre de 2014

RECOLLEMOS O PREMIO DOS FUNGOS

Polo noso cartel das setas de origami recibimos un premio no concurso dos fungos. Como vedes non paramos, así que o sábado, ás 12:30 , estabamos puntuales na carpa de Santa María para recoller o noso premio. Ollade as fotos.




jueves, 30 de octubre de 2014

FELIZ SAMAÍN

Con este cartel tan chulo que alaborou a profe  Ángeles desexámosvos que pasades un bo Samaín e Halloween e que disfrutedes moito destes días de descanso.


CELEBRAMOS O MAGOSTO 2014

Por fin hoxe celebramos o Magosto no cole. Á hora do recreo baixamos ao patio cuberto, onde membros da ANPA nos agardaban coas castañas asadas e os batidos de cacao ou auga. Que riquísimas estaban!
E despois desta comilona tocaba facer un pouco de exercicio, así que fomos para o pavillón polideportivo, onde o profe Pedro nos tiña preparado un circuito de xogos populares: a rá, o pano, o soga-tira, o brilé...Pasamos unha mañá estupenda. (Se queredes ver as cestiñas que fixemos, poñerémolas no blog da sección bilingüe).


UNHA DE TERROR

Como xa se está achegando o día do Magosto , e tamén celebraremos conxuntamente o Halloween e o Samaín, hoxe, a profe Cristina trouxonos unha película moi fermosa: Hotel Transilvania. Este é un fantástico hotel, onde os monstros residen tranquilamente, sen humanos que os perturben. Ata que por alí aparece un neno... Mirade as nosas caras.

martes, 28 de octubre de 2014

TRABALLO SOBRE OS FUNGOS

Outro ano máis , participamos no concurso de Fungos e Cogomelos organizado polo Concello. Nesta ocasión, fixemos un mural con setas de origami. Primeiro pintamos o papel cun rodillo, logo pregamos ...Mirade que boas pintas ten.

VISITAMOS O NOSO MUSEO

Xa estamos traballando para preparar o calendario que sempre facemos. Este ano imos adicalo ao noso museo, que cumpre xa trinta anos.
Ao noso curso tocoulle a parte dos útiles personais. Para comezar, Marita ensinounos unha parte do museo. Alí puidemos ver perchas, canecos, tapetes, maletas e baúles, tenazas coas que as mulleres rizaban os seus cabelos... Fixámonos moito, porque agora teremos que facer un bonito debuxo, acompañado dun pareado ou dunha frase que teña relación có tema que nos tocou.


TRABALLAMOS OS SENTIDOS

Estivemos traballando en grupo, facendo uns pequenos murais dos sentidos, cós recortes e debuxos que trouxemos. Pasamos un rato moi entretido.


domingo, 26 de octubre de 2014

RECURSOS PARA O SAMAÍN

Nesta páxina , elaborada por Mª Asunción García Álvarez atoparedes moitos recursos para a celebración do Samaín.


viernes, 10 de octubre de 2014

EXPERIMENTAMOS CÓS ÓSOS

Pois como lle estamos dando un repasiño ao corpo, decidimos facer un pequeno experimento, xunto có alumnado de 2º.
Collimos dous ósiños similares de polo, observámolos e logo metimos cada un deles nun frasco. Un enchémolo de auga e outro de vinagre.
Que vai ocurrir? Aos nenos e nenas ocurriuselles de todo:
-que si non vai pasar nada.
-que si van desaparecer.
- que se lles vai sair a carne outra vez e se volven a formar..,

Logo duns días voltamos á clase de 2º para ver o que estaba pasando. Sacamos os ósos dos tarros e, aparte dun cheiro horroroso, comprobamos que:
  1. O óso que estaba na auga seguía igual de blanquiño e duro
  2. Pero o óso que estaba no vinagre, púxose todo marronciño e ademáis....DOBLÁBASE CON MOITA FACILIDADE!!!
Claro, o vinagre estábao deixando sen calcio, e sen calcio, os nosos ósos tampouco poden medrar sans e fortes.
Algúns nenos e nenas saíron dicindo que non tomaban máis vinagre, pero que ían beber moita auga.

jueves, 9 de octubre de 2014

APRENDEMOS COA PANTALLA DIXITAL



Hoxe, acompañados pola profe Belén, fomos ata a aula de Informática. Ali poidemos practicar con un método de lectoescritura interactivo que nos resultou moi atractivo. Traballamos moitas palabras con l e m. Pasounos a hora voando!!


lunes, 6 de octubre de 2014

E AGORA, A COMER!!

Pois como algo había que facer cós produtos fabulosos que apañamos no horto, acordamos elaborar unhas riquísimas pizzas. Prestounos moito amasar e estirar a masa cós rodillos. Pero o mellor de todo foi comelas. Que boas estaban! Temos que darlle as gracias a Jose, pai de Ian e Ale, pola axuda que nos prestou.

jueves, 2 de octubre de 2014

MENUDO HORTO!!

Xunto có alumnado de 2º e a súa profe Fina, fomos recoller a colleita do invernadoiro. O curso pasado plantamos alí algunhas cousiñas coa profe Begoña. Mirade todo o que recollemos.

miércoles, 1 de octubre de 2014

QUE PASADA, A BIBLIOTECA!!

Cantas cousas se poden facer na biblioteca!! Todos os xoves imos con Marita. Alí escoitamos e lemos contos,
Tamén tivemos ocasión de asistir a un precioso concerto que nos ofreceron os membros da banda municipal.
E, para rematar, tivemos con nós na biblioteca a Helena Villar Janeiro, que nos presentou o seu novo libro "As señoras cousas". Helena leunos algúns poemiñas deste libro e contounos anécdotas moi divertidas. Pasámolo moi ben.

XA PASOU SETEMBRO

Pois si, xa pasou setembro e xa nos imos coñecendo un pouquiño. Estes días tivemos tempo para facer moitas cousiñas: traballamos, visitamos as dependencias do cole, xogamos, cantamos... Aquí queda unha pequena mostra deste primeiro mes.

viernes, 19 de septiembre de 2014

OS NENOS E NENAS DE 1º

Pasamos os primeiros días de curso e xa nos imos coñecendo. Estos son os fantásticos nenos que este ano forman parte do curso de 1º de E. Primaria.


martes, 9 de septiembre de 2014

CANTAMOS OS BOS DÍAS

EMPEZAMOS UN NOVO CURSO

Pois aquí estamos de novo, comezando un novo curso. Quero mandar un biquiño moi grande aos "meus nen@s" que pasan a 5º, e recibir con moita ilusión e agarimo a estes nenos e nenas de 1º. Para empezar con alegría, deixovos esta foto que atopei navegando pola rede.


jueves, 19 de junio de 2014

UN BICO MOI GRANDE

Rematou o curso, e con él chega o momento de dicir adeus a estes fantásticos rapaces e rapazas que me permitiron acompañalos ao longo de catro anos . Algúns como Manuel, Sergio, Alex, Diego, Carla L. e Naiara levan un pouquiño menos, e outros  como Clarita, Angela ou Guzeguz pasaron pola nosa clase, pero por diferentes circunstancias non puideron quedarse
Noraboa a tod@s por ser tan boas persoas, por ensinarme cada día a ser solidarios, a acoller ao novo alumnado, a respetar as diferencias, a ser tolerante, a ter paciencia.
Graciñas, porque, sen dúbida, vós fostes os mellores mestres.
E agora, como a min non me gustan as despedidas, aquí vos deixo esta fotiño a ver se vos gusta.

lunes, 9 de junio de 2014

IMOS DE EXCURSION

O día 6 de xuño fixemos a nosa saída de fin de curso. Este ano, visitamos o museo de Brañas de Valga, e  a Granxa de Xanceda, no concello de Mesía.
As dúas visitas foron moi interesantes. No Museo , que estaba moi ben organizado e que nos ensinou unha guía estupenda, aprendemos como era o traballo nas brañas, nas barreiras de onde se extraía o barro e como este era tratado ata que chegaba ás nosas casas en forma de olas, tellas...


BRAÑAS DE VALGA - Movie Maker
Logo, na Granxa de Xanceda, puidemos darlle o biberon aos cuxiños, peinar aos ponis e ás cabuxas, comprobar como se muxían as vacas... Mirade, mirade!


miércoles, 28 de mayo de 2014

A ÉPOCA DOS NAVEGANTES

Seguimos investigando na nosa historia. Se clicades na imaxe, pasaredes un rato entretido, ao tempo que aprendedes cousas novas sobre a historia da navegación.


A continuación tedes un libro Lim, no que podedes xogar, aprender e poñer a proba as vosas habilidades e coñecementos sobre o tema.



E , aínda que xa sei que tod@s coñecedes  a este fabuloso navegante, seguro que tamén vos quedan cousas por descubrir da súa vida e das súas viaxes. 




jueves, 22 de mayo de 2014

OS CABALEIROS E OS CASTELOS

Entramos agora no estudo da Idade Media. Seguro que, como sempre, os nenos e nenas de 4º virán cargados de información: libros, debuxos, vídeos...
Por se vos queredes ir ambientando, aquí vos quedán algúns recursos que vos poden interesar.



Aquí tamén podedes aprender moitas cousas sobre a Idade Media, os cabaleiros e os castelos.

Na Idade Media os castelos, onde residían os reis e os nobres,foron moi importantes. se clicades na seguinte imaxe coñeceredes moitas cousas sobre as partes dun castelo.


Estou segura que o nome deste cabaleiro se vos fará ben coñecido. Probade a entrar no seu mundo.

Este seguro que vos soa menos , pero é un personaxe moi curioso e a min sempre me gustou a súa historia. A ver que vos parece.


E como sei que os alumnos/as de cuarto son moi bailaretes, aquí lles deixo unha danza medieval por si se queren animar.



martes, 13 de mayo de 2014

OS ROMANOS

Xa aprendemos moitas cousas dos exipcios, e agora imos a buscar información sobre os romanos. Podemos empezar polo seguinte vídeo:



Neste outro, podedes ver a antiga Roma en 3D.


Seguro que xa sabedes como eran as domus romanas, pero aquí verédelas en máis profundidade.


E aquí temos un pouquiño de todo.