Por fin chegou o día. Imos celebrar o Samaín. A nosa clase parecía un cole de monstros, cos nenos e nenas disfrazados. Había bruxas, arañas, muñecas góticas...e ata un esqueleto.
Coa profe Marita fomos á biblioteca. Alí poidemos ver como quedou rematado o Comemedos. Está "espectacular". Aproveitamos para darlle os medos que levábamos escritos, para que os zampe e acabe con eles. Logo limos en voz alta un conto de medo e uns poemas, para todos os alumnos e profes que estaban na biblio e que nos quixeron escoitar.
Á volta do recreo, no patio, fixemos un círculo coas cabazas que adornamos estes días. No medio había unha gran tina e alí se presentou o Comemedos, cargadiño cós medos de todos os nenos e nenas do cole. O bruxo Paco, leu o Conxuro do Comemedos e os medos empezaron a arder na tina. Ruxen no lume os nosos medos. Esvaécense para sempre das nosas mentes e dos nosos corpos.
2 comentarios:
Paréceme a min que o pasáchedes fenomenal, non si? Biquiños.
hola Loli,estas fotos son monstruosas y bonitas.
MARIA
Publicar un comentario