LETRAS GALEGAS 2014

A Coordinadora Galega de ENDL preparou un interesante traballo sobre Xosé Mª Díaz Castro, autor homenaxeado este ano con motivo da celebración do Día das Letras Galegas. Se clicades na imaxe atoparedes a súa biografía, así como diferentes materiais e enlaces.

Podemos escoitar tamén algo de música. Este é un poema de Xosé Mº Díaz Castro, interpretado por Fuxan os ventos, e con recitado do propio poeta.

Ana, no seu blog Aula Tic, deixounos este fermoso conto . Lerémolo na clase .

E, como todos os anos, os compañeiros do Seminario galán, tamén nos deixan este fantástico material.

AGORA IMOS CÓS EXIPCIOS

Logo de investigar e aprender moitas cousas da prehistoria, adentrámonos agora no mundo dos exipcios. Como sempre, xa temos moita información que os nenos e nenas traen das súas casas. Podemos tamén consultar os seguintes enlaces e seguro que nos divertiremos e aprenderemos moitas cousas.

O conto de Fátima, unha momia moi responsable.

Tamén me gustan moito os Little Einsteins. Coñecedes a Lenda da Pirámide Dourada?

Podedes xogar un pouco e explorar Exipto, se clicades aquí. Se preferides xogar a vestir a unha princesa exipcia, clicade nas palabras destacadas.

PINTURAS RUPESTRES

Este venres, na clase de plástica, pasámolo xenial. Trouxemos da casa diferentes materiais: barro, carbón, azafrán, pemento... e con todo isto, tentamos facer unhas "cave pictures". O que máis nos prestou foi embadurnarnos todos. Aquí tedes unha pequena mostra. Poderedes ver máis no blog da sección bilingüe Learning with you.

CONCURSO DE RECICLADO 2014

Hoxe rematou o prazo para entregar os traballos do Concurso de Reciclado, organizado pola Aula de Medio Ambiente do centro. Algúns nenos fixeron os seus propios traballos, individuais ou en parella. Nós, ademáis fixemos un traballo colectivo.

Cun CD usado que tiñamos pola clase e unha botella de plástico, fixemos uns xarróns, que logo colereamos de verde. Despois elaboramos diferentes flores con materiais reciclados (Foi unha visión moi persoal dos xirasoles de Van Gogh) O resultado podedes velo a continuación.

Reciclado 14 - Movie Maker

ENTRAMOS NA PREHISTORIA

Comezamos neste último trimestre, un proxecto sobre a historia de Galicia. Comezamos pola prehistoria. Por equipos traballamos para ver as cousas que xa coñecíamos desta etapa. Logo puxemos os nosos coñecementos en común e pensamos que outras cousas nos gustaría aprender.

Os nenos e nenas puxéronse a traballar e o noso recuncho da prehistoria foise enchendo de información: libros, figuras de "bichos", dinosaurios  (a mamá de Diego modelou un mi chulo),armas (Manuel, Alex e Sergio trouxeron unhas machadas e unha frecha fantásticas), un vaso campaniforme, resumos elaborados polos propios alumnos...Con toda esta información estamos aprendendo moitísimo!!

Prehistoria1 - Movie Maker
Tamén no blog poñeremos  algúns recursos que esperamos que vos gusten.

Este seguro que vos gusta Tamén podemos xogar un ratiño.

Os vídeos dos Picapedra sempre son divertidos.

FARMACIA NATURAL

Nestes días estamos metidos en varios proxectos. Un deles é a Farmacia natural, promovida por Educa- Barrié. Imos levar a cabo un proxecto de investigación na aula sobre plantas saudables.

En primeiro lugar , recibimos un kit con todo o necesario para comezar a nosa plantación. Por equipos fomos plantando as sementes. Deixamoslas na repisa da ventana (Hai un caloriño alí que parece un invernadoiro)

Agora, uns días despois, empezan asomar as plantiñas. Estamos intrigados pensando en que sairá dos vasiños.

Farmacia natural1 - Movie Maker

ACTIVIDADES NA BIBLIOTECA

Para a celebración do Día do Libro Infantil e Xuvenil, o Equipo da biblioteca propúxonos a elaboración duns marcapáxinas. Púxémonos mans á obra e aquí tedes o resultado. 
Tíñamos que celebrar outro día importante, o do libro. Como o lema deste ano das bibliotecas é  Ler ciencia na biblioteca, os nenos e nenas que escribiron relatos para o concurso Ciencia que conta, leron para o alumnado dos outros cursos as súas composicións. Todas as historias foron fabulosas . Creo que ides camiño de ser grandes lectores e escritores. Animádevos a seguir escribindo. Se queredes ver máis imaxes, entrade no blog da nosa biblioteca. Seguro que vos gusta.

Marcapáxinas 14 - Movie Maker

Día do libro 14 - Movie Maker

DÍA DO LIBRO 2014

Para celebrar este día , un vídeo bonito que atopou a nosa compañeira Pilar, coordinadora da Biblioteca.

MENUDA PLANTACIÓN

Logo deste tremendo inverno, con tanta auga e cicloxénesis, xa non nos lembrábamos da nosa plantación de porros. O primeiro día bon que tivemos, José Antonio, o conserxe, axudounos a recollelos. Menuda colleita!! Quedamos abraidos! Ollade as fotografías e veredes que non mentimos nada.

HANS CHRISTIAN ANDERSEN

Se pinchades no retrato de Andersen poderedes aprender algunha cousiñas da súa biografía. Se vos apetece ler algún dos seus contos clicade nesta outra imaxen.

DÍA INTERNACIONAL DO LIBRO INFANTIL

Dende 1.967 , coincidindo có nacemento do escritor danés Hans Christian Andersen, celébrase o día 2 de abril o Día Internacional do Libro Infantil, coa finalidade de promocionar os bós libros infantis e xuvenís e de animar á lectura aos lectores máis novos. Este é o cartel deste ano.

A encargada de prepar o cartel foi Niamh Sharkey e a autora e editora Siobhan Parkinson escribiu a carta aos nenos do mundo, que podedes ler se clicades na imaxe  seguinte . 

DÍA MUNDIAL DE CONCIENCIACIÓN SOBRE O AUTISMO

 Os pais de Manuel, un neno con autismo, preséntannos a Canción de Manuel III : O oito, pertencente a un proxecto audiovisual de concienciación  do Trastorno de Espectro Autista. O ano pasado escoitamos a canción anterior e gustounos moito. Seguro que esta tamén vos parece preciosa.

Ademáis aquí podedes ler 10 cousiñas que todo neno con autismo quixera que nos soupéramos. Seguro que si as lemos, entenderémolos mellor.

DÍA MUNDIAL DA EDUCACIÓN

DÍA DA ÁRBORE E DA AUGA

Esta semana celebramos dous días moi importantes: o Día da Árbore (21 de marzo) e o Día da Auga (22 de marzo).

No cole contamos coa presenza dun grupo de persoas do Distrito forestal de Ferrol que nos deron unha charla moi interesante sobre o coidaddo das árbores e da importancia da auga na natureza. Fixemos moitos xogos e foi moi interesante.

Antes de volver para a clase, aproveitamos para transplantar dúas nogueiras. Esperamos agora impacientes para velas medrar!!

DÍA DA MULLER 2014

FELIZ DÍA A TODAS AS MULLERES!!

Se clicades na imaxe de abaixo podedes ler o conto de SuperLola. Seguro que vos gusta. Probade.

No blog Educando en igualdad, tamén podedes atopar información e actividades relacionadas con este Día da Muller.

No blog da nosa compañeira Ana, de Aula Tic, podedes atopar contos e materiales moy interesantes. A min gustáronme moito. Seguro que a vós tamén. Clicade AQUÍ para velo

ENTROIDO ESPACIAL

Chegou o día do Entroido. Este ano o tema que escollemos foi  "O espazo". Logo de varios días preparando o noso disfraz de marcianitos, por fin hoxe o estrenamos. Á hora do recreo, as mamás da ANPA obsequiáronnos cunhas riquísimas orellas. Dende o concello tamén nos eviaron freixós, como todos os anos. ESTABA TODO RIQUÍSIMO!!!!

Logo acudimos ao pavillón do centro. Por alí desfilaron estreliñas, marcianitos verdes e vermellos e mesmo un bo grupo de astronautas. Cantamos e bailamos unhas cancións moi divertidas que nos preparou a profe Marita . Poidemos ver  a actuación estelar de "Azúcar Moreno" que prepararon uns nenos de Secundario e despois...A BAILAR!

ENTROIDO14 - presentacion imagenes

GALICIA: SEGUIMOS APRENDENDO

Nestes libros Lim podedes repasar algunhas das cousas que vimos no cole. Atoparedes tamén novas informacións, que son interesantes e nos axudarán a coñecer mellor a nosa terra. Clicade nas imaxes para aprender  sobre os ríos.

Se agora premedes nestas imaxes atoparedes informacións sobre espazos naturais protexidos que estou segura que xa vos soan de algo. Probade a premer.

   



























E seguimos aprendendo cousiñas da nosa terra. Esto é moito máis divertido que facer exames!!

XOGAMOS CÓS MAPAS

Aquí quedan uns mapas interactivos, nos que podedes revisar os vosos coñecementos sobre o relevo de Galicia, as provincias, os ríos... Seguro que, ademáis , podedes aprender algunhas cousas novas. Clicade na imaxe e... A XOGAR!!!

DÍA DE ROSALÍA

Hoxe celebramos no  cole o Día de Rosalía. Acudimos á Biblioteca do centro e limos unhas fermosas poesías. Somos uns grandes recitadores!! Ademáis, como estaba a tele local esmerámonos moito.

MULTIPLICACIÓN E DIVISIÓN

Xa imos avanzando nas divisións, pero como non ns ven nada mal revisar, aquí quedan estes xogos que me pasou a teacher Ángeles, para que sigades practicando.