martes, 28 de diciembre de 2010

BO NADAL


Aproveito o mural que temos na entrada do cole para desexarvos a todos e todas unhas Felices Festas.

NADAL CON SEOANE

Todos os cadros de Seoane, que foron facendo os diferentes cursos, quedaron preciosos.Están colocados no patio cuberto e dá gusto velos.Que traballo máis bonito! Tamén quedou moi linda a nosa árbore de Nadal, que adornaron os pequech@s de E. Infantil.Bo Nadal a tod@s.

ESTAMOS DE CUMPREANOS

Xa casi no final do trimestre, celebramos o cumpreanos de Carla, Clara e María. Os nenos e nenas fixeron unha pizza, que saiu riquísima. As mamás trouxeron tiramisú e magdalenas.Todo estaba exquisito e pasámolo fenomenal.Felicidades a todas.

lunes, 20 de diciembre de 2010

Reciclamos no Nadal





ESte ano estamos moi postos a reciclar.Customizamos uns paquetiños de regalo de propaganda que atopamos para facer adornos para os corredores. Tamén reciclamos o mural das cores secundarias. Fixemos estrelas para os nen@s do 1ºciclo e decoráronas libremente e con moita imaxinación.Quedaron ben lindas!!

domingo, 19 de diciembre de 2010

LUÍS SEOANE


Para celebrar o centenario do nacemento de Luis Seoane, e animados polo equipo da biblioteca do centro, fixemos uns murais baseados nas súas pinturas, aos que engadimos textos relacionados có Nadal.

CARAMUXO TEATRO







Gustounos moito "Historia dunha semente", de Caramuxo Teatro.Trátase dunha fábula fermosa, sobre a natureza e os cambios que se producen nela. Os actores, con imaxinacion e fantasía, fixéronnos reflexionar sobre a importancia de coidar o noso medio ambiente.

jueves, 25 de noviembre de 2010

DIA INTERNACIONAL CONTRA A VIOLENCIA DE XÉNERO

Eu tamén digo non á violencia hacia as mulleres.

domingo, 21 de noviembre de 2010

DEREITOS DA INFANCIA

Onte, 20 de novembro, celebramos o Día dos Dereitos dos Nenos e Nenas. O tratado da Convención sobre os dereitos da infancia é un dos máis ratificados a nivel internacional, pero ao mesmo tempo é un dos que menos se respecta e máis se vulnera.Hoxe no Semanal de La Voz de Galicia podíamos ler que " Los menores siguen siendo las victimas silenciosas de la guerra, el hambre y la marginación".Non podemos ignorar isto. Todos debemos coñecer , respectar e defender os dereitos dos nosos nenos e nenas.
Aquí tedes un fermoso vídeo de solidariedade entre compañeiros.Impresiona.Atopeino visitando o blog de Nuria Chinchilla.

sábado, 13 de noviembre de 2010

SIN PALABRAS

Un biquiño moi grande a tódolos nenos "especiais", que nos fan ver que grandes son e que pequenos somos.



E como eu non teño palabras , aquí tedes as de Luis Fonsi.Nunca vos dedes por vencidos.

O CAZO DE LORENZO

Este é un contiño que, con palabras sinxelas e fermosas ilustracións,nos axuda a falarlles das diferencias aos máis pequenos.Cóntanos a historia de Lorenzo, un neno diferente, con dificultades que día a día ten que afrontar para saír adiante.

martes, 9 de noviembre de 2010

OS NOSOS FUNGOS

Este ano, para participar no Concurso de Fungos e Cogomelos decidimos facer dous traballiños. Cunha botella rechea de pedras e unha cartolina elaboramos unha fermosa seta. Polo seu talo colocamos outras setiñas, feitas con paus dos xeados e masa. Pintamos todo con témperas.
Por outro lado, na clase de alternativa, Inés e Carla fixeron un cadro que representaba unha paisaxe. Alí colocaron as súas setas. Fixeron o relevo da paisaxe con pasta de papel.Pintaron con témperas e adornaron os bordos do cadro con folliñas dasque recolleramos para o mural de outono. Pasamolo moi ben facendo esta actividade, ainda que nos deu bastante traballo. O mellor foi que gañamos dous premios. Con eses cartiños mercaremos máis cousas para facer actividades creativas en plástica.

lunes, 8 de noviembre de 2010

A COCIÑAAAR...

Este venres pasado foi o día dos obradoiros de cociña.Os nenos e nenas de 2º fixeron un biscoito riquísimo e nós fixemos unha deliciosa tarta de castañas. Utilizamos a receita da tarta de améndoas que xa fixéramos o curso pasado.É moi sinxeliña. Mezclamos nun cunco 250 g de castañas crudas moídas, 230 g de azucre, un sobre de levadura e 5 ovos. Ao forno uns 45 minutos e listo.Por certo, encantoume o estilo que teñen os nenos e nenas có batedor de varillas.Nótase que xa fixeron algún que outro obradoiro de cociña.

jueves, 4 de noviembre de 2010


Hoxe, 4 de novembro, celebramos por primeira vez o Día da Ciencia en Galego. Este ano está adicado ao astrónomo e matemático galego Ramón María Aller, ao físico escocés James Clerk e tamén a Alfonso X O Sabio.Unímonos a esta iniciativa, xa que estamos plenamente convencidos de que a ciencia en galego é posible e ademáis necesaria.

miércoles, 27 de octubre de 2010

ESTÁ CHEGANDO O SAMAÍN

Falta moi pouquiño para o Samaín. A nosa biblioteca vai collendo un aire diferente. Bruxas, vampiros, cabazas, morcegos...van tomando o seu sitio para quedarse uns días con nós.Hoxe estivemos alí. Aproveitamos para ler un pouquiño e tamén rematamos de pintar un fermoso mural que profes e nenos e nenas doutros cursos xa foran facendo.



E por se alguien se anima, pinchade aquí e atoparedes unhas terrorificamente deliciosas receitas para o Samaín.

martes, 26 de octubre de 2010

PRIMARY AND SECONDARY COLOURS

Para aprender e recoñecer os "Primary colours" fixemos unha actividade de soplado con palliña, utilizando témpera líquida (red ,yellow and blue).Tamén con estas cores, pintaron uns carteis cos seus nomes; logo pegámolas sobre un mural feito cun rodillo, con "secondary colours".
Como actividade de outono pintamos follas secas e estampámolas en folio, utilizando as cores libremente.

A. EDUCATIVA

Xa levamos varias sesións de Alternativa á Relixión e fixemos diferentes tipos de traballos. Coloreamos con témperas un cartel de outono, para poñer no recuncho dos proxectos. Noutra sesión fomos ata a biblioteca do cole. Alí limos un libro que lles gusta moito: "Mamá, ti si que me entendes" e logo fixemos con rotuladores un debuxo relacionado coa lectura.Tamén decidimos facer un cuadro con setas feitas de barro, para o concurso dos Fungos e cogomelos.Finalmente, para que no nos quede nada, e xa que chega o Samaín, reciclamos unhas bolsiñas de papel (das que dan nos comercios) e transformámolas en "bolsas pantasmais"(Esta actividad encantoulles).

SEMENTES DE OUTONO

Estamos no outono, e aproveitando o bo tempo, baixamos ata o viveiro do cole para plantar unhas sementes. Este ano plantamos landras e castañas que trouxeron os nenos e nenas. Despois de ben plantadiñas, regámolas.Agora esperaremos uns días e logo voltaremos velas. Esperemos que medren todiñas.

lunes, 25 de octubre de 2010

O samaín

Aquí tedes un vídeo dunha canción de Mamá Cabrá, que vos encanta a todos. Na Clase encántalles xogar ás estatuas con esta música.

PROXECTO: EXPERIMENTAMOS 1

Xunto co nenos e nenas de 2º e da súa profe Fina, decidimos facer un pequeno proxecto de experimentos. Para comezar fixemos un moi sinxelo: un globo a propulsión. Utilizamos un pouquiño de cordel, unha palliña, un globo e unha pinza para cerrar o globo logo de telo ben cheo de aire.Para ser o primeiro experimento, saíunos de rechupete. Estamos desexando repetir.

domingo, 17 de octubre de 2010

XOGAMOS CÓ CORPO

Aínda que o curso pasado, traballaron coa profe Oliva o corpo, nun fermoso proxecto, este ano ímolo revisar un pouquiño, porque parece que é un tema que lles gusta moito e quixeron comezar por el. Estivemos traballando algún dos sentidos. Aproveitamos para ulir algunhas esencias, para ver se as coñecían. Anxo, cando uleu a menta, dixo que iso era como uns caramelos que tiña a súa avoa na casa. Tamén se aproximaron ao eucalipto. O resto eran un pouco difíciles: ourego, tomillo...

Para traballar o sentido do gusto, fixemos unha pequena degustación de froitos secos: anacardos ,pistachos, cacahuetes, pipas...Deixamos para esta semana a degustación de froitos carnosos de outono.

Cos ollos vendados descubrimos o importante que é o sentido da vista e o moito que o necesitamos. Intentamos recoñecer aos compañeiros utilizando outros sentidos: o oído, para identificalos polas súas voces (foi bastante fácil), o tacto (este xa foi moito máis complicado). Utilizamos tamén o tacto para identificar algúns obxectos.

Despois de repasar o esqueleto, movémonos pola clase e comprobamos que o corazón latía máis rápido. Logo observamos que o noso corpo podíase doblar por partes diferentes, chamadas articulacións.

martes, 28 de septiembre de 2010

A VOLTAS CÓ INGLÉS











Pois sí, aquí estamos a voltas có inglés. Empezamos o primeiro día de Plástica. Este ano como temos sección bilingüe, iremos empregando, ademáis do galego, o Inglés. A verdade é que o primeiro día pasámolo moi ben. A máis nerviosa foi a profe.En canto aos nenos e nenas pasárono estupendamente. Nestas idades , a lingua para eles é un xogo. Non teñen problema en falar e repetir todas as expresións que empregamos. Ás veces ata nos poñen en apuros, porque preguntan tanto e queren saber tantas cousas!!!! Pero bueno, supoño que iso non é malo.

domingo, 26 de septiembre de 2010

CHEGOU O DÍA

Por fin tivemos a presentación. Os nenos e nenas chegaron contentos. Bueno ,algún chorou un pouquiño, pero logo se lle pasou. Supoño que eran moitas cousas novas. Non estaba a súa profe Oliva, a súa aula estaba na planta de arriba do cole...Enseguida comezaron a coller confianza, a obsevar a súa clase, a querer xogar e ler os libros novos. Son moi falangueiros, creo que será un grupo estupendo.

lunes, 6 de septiembre de 2010

O VENRES COMEZAMOS

O venres día 10 comenzamos as clases.Despido con agarimo a uns nenos e nenas que durante dous anos foron medrando no meu corazón...e con ilusión e nervios espero ansiosa coñecer ao novo grupo de alumnos, que tamén alí irán ocupando o seu sitio:Iker, Estela, Jesús, María, Juan, Alex, Ángela, Inés, Anxo, Carla, Laura e Clara. Espero tamén poder entrar nas súas mentes, poderlles falar aos seus corazóns , entender as súas emocións...Paréceme mentira, pero cada ano que pasa, en vez de estar máis tranquila, estou máis nerviosa. Por que será?

domingo, 5 de septiembre de 2010

O REMATE





















Tedes que perdonar, pero esquecíame de poñer algunhas cousiñas que fixemos ao final do curso.Como o ano pasado, celebramos conxuntamente os cumples de tódolos nenos e nenas. Este ano, fixemos unha celebración conxunta cos alumnos de 1º e como novidade, xantamos na cafetería do cole. Que boas estaban as pizzas! O último día ,no pavillón do cole, bailamos, cantamos e tocamos unhas fermosas cancións que preparamos coa profe Marita. Gustounos moito.