FACEMOS PAN

Este luns pasado fixemos unha actividade moi interesante. A avoa e a mamá de Vicente fixeron masa de pan. Por suposto que Vicente lles axudou moito. Logo na clase,explicáronnos como a fixeran . Botámola enriba da mesa, e , despois de untar as mans con fariña, cada neno e nena amasou o seu boliño. Algúns fixeron boliños preñados, xa que a mamá de Vicente trouxonos anaquiños de chourizo. Tamén nos axudou moito a mamá de Carmen. Logo uns poucos metímolos no forno que temos no cole.Outros cocéronse na casa de Vicente, porque eran moitos e se non non rematabamos para o recreo.Cando chegou o recreo...ESTABAN BOÍSIMOS!!

MAGDALENAS DE CASTAÑAS

O fin de semana adiqueime á repostería. O meu marido Nardo e o meu fillo Daniel colaboraron comigo na elaboración duns doces feitos con castañas. A receita viña a semana pasada no xornal La Voz de Galicia. Non nos saíron mal e tiñan bon sabor . Decidín levarlles a proba aos nenos e nenas de 1º, xa que tamén era un alimento feito con produtos de outono. Todos e todas as comeron, aínda que Sabela e Daniel Bermúdez poñían caras un pouco raras.

FROITOS DE OUTONO

Na clase temos unha pequena exposición de produtos típicos do outono, que os nenos e nenas foron traendo. Tamén aproveitamos para relacionalos co tema dos alimentos que estamos a traballar neste momento.Algúns son perecedeiros, coma as uvas que nos trouxo Vicente. Aproveitamos para comelas antes de saír ao recreo. Estaban boísimas. Tamén lles gustou moito ver os grans de trigo. Abrimos algúns e puideron ver dentro a fariña.Encantoulles

O MAGOSTO

O venres pasado celebramos o Magosto no cole. Como cada ano aprendemos cancións, debuxamos, comemos castañas asadas ...Despois do recreo, fixemos unha xornada de xogos: os zancos, o paracaídas...Pasámolo xenial. Tivemos moita sorte co tempo. comezou a chover cando xa ía sendo hora de rematar.

UNHA PEQUENA CONVERSA

Onte estivemos facendo un traballiño na clase de Plástica .Os nenos e nenas estaban moi entretidos coloreando e recortando. Entón empezou a chover con moita forza. Escoitouse un trono. Os rapaces comenzaron a falar entre deles. Logo dun anaquiño, puxen a orella e puiden escoitar cousas tan lindas coma estas:
-Jobá! Que tormenta!
-Menos mal que temos teito.
-Se non teríamos que meternos debaixo da mesa.
-Ou escondernos nos roupeiros.
-Claro, porque se mollamos a cabeza ablándasenos o craneo, e despois o cerebro e despois...
-Pero iso non vai pasar, porque xa hai algo para as tormentas, algo así como as placas solares.

Bueno, pois a conversación prometía. Lástima que ía tocar a sirea e tiñamos que recoller. Encántame escoitar estas conversacións espontáneas dos nenos e nenas.

CONCURSO FUNGOS

Outro ano máis imos participar no Concurso de Fungos e Cogomelos organizado polo Concello.Este ano decidimos facer unha setiña con recortes de teas.Deunos bastante traballo, porque tivemos que facer moitos recortes, pero creo que o resultado valeu a pena. Quedounos un traballo ben bonito. Ahí van unhas pouquiñas fotos para que vexades.

Por certo , hoxe comunicáronnos que gañamos un premio coa nosa setiña.YUPI!!NORABOA RACES E RAPAZAS DE 1º

O NOSO CORPO

Estivemos levando a cabo un pequeniño proxecto titulado O NOSO CORPO. Os nenos contáronme cousiñas moi simpáticas que xa sabían do corpo, e a partir de ahí surxeu a necesidade de aprender outras cousas novas. A verdade é que pasamos uns días moi entretidos. Primeiro recopilamos información, nas casas, na biblioteca do cole, nos ordenadores..., límola e comentámola. Tamén trouxemos radiografías que nos permitiron ver como eramos por dentro. Escoitamos o noso corazón cun estetoscopio, fixémolo antes e despois de correr pola clase. As carreiras na clase molan mogollón.Miramos as nosas huellas dactilares cunha lupa, pintamos, xogamos a recoñecer obxectos e compañeiros cos ollos pechados, saboreamos cousas doces, amargas...Eu aprendín e disfrutei moito con esta experiencia e espero que cada un dos nen@s aprendera polo menos algo que antes non sabía, e que o aprendera pasándoo ben

XA NOS IMOS COÑECENDO

Bueno, pois xa levamos un mes de cole e xa nos imos coñecendo un pouco. O primeiro día empezamos o cole con 13 alumn@s:Sabela, María, Claudia, Adrián, Dani C., Vicente, Dani B.,Carmen, Antonio, Xoel, Angela, David e Andrea. A última hora da mañá, chegou unha nena nova, Mónika, procedente de Bulgaria. Os primeiros días non foron moi fáciles. Eu tiven que amoldarme a un curso novo e custoume un pouquiño. Tamén eles notaron o cambio de E.Infantil a Primaria. Agora temos patio con pedras(que diver lanzarllelas aos compañeiros!!), os baños están fora da clase e encántanos saír, os roupeiros teñen portas e podemos deixar encerrados aos compañeir@s...Un mes despois, a situación cambiou un pouquiño: eu síntome a gusto con este curso, xa lles teño moito cariño, non teño que poñerme tan seria como ao principio,disfruto aprendendo con eles. Tamén eles mo poñen cada día máis fácil: pórtanse moi ben, participan activamente nos traballos da clase, cada día traballan máis e mellor...E Mónika cada día aprende palabras novas e cada vez nos podemos comunicar mellor con ela!!

EMPEZA O COLE

Amiguiños, aquí estamos.Pensábades que os mestres non nos poñíamos nervosos? POIS NON É VERDADE. Como cada ano nestas datas ándame un bule-bule no estómago. Como serán os meus nen@s deste curso? Entenderémonos ben? Aprenderemos moito xuntos?
Supoño que , como moitos dos meus compañeir@s teño a cabeza chea de proxectos e de cousas que me apetece facer este curso. E como tódolos cursos uns faranse realidade e outros quedarán sin facer.
Para empezar os mestres , con ilusión e moito cariño, traballamos en grupo preparando unhas cousiñas para poñer o cole ben bonito para cando cheguedes.Fixádevos como traballamos, non damos nin un chincho. Esperamos que vos guste.

XA ESTOU DE VOLTA

Bueno,despois de moito tempo sen ánimos de escribir, debido a motivos de saúde, aquí estou de novo. Teño que decir que sentín moito non pasar o último mes do curso cos meus alumnos/as e os meus compañeiros/as. De todos modos xa vin que a excursión foi un éxito, así como a charla do farmacéutico e a festa de fin de curso. Quero darvos as gracias a todos, nenos e maiores polos vosos agasallos e sobre todo polo cariño que me amosastes e que me axudou a subir o ánimo en momentos un pouquiño delicados.BIQUIÑOS PARA TOD@S.

LECCION DE ECOLOXIA NO CONGRESO

UN TRABALLIÑO BEN BONITO

Cando estudamos a localidade, Samuel fixo este libriño para o recanto INVESTIGO, onde se recollen moitos monumentos, edificios e lugares emblemáticos de AS PONTES. Esperamos que vos guste.

RECANTO INVESTIGO

No noso recanto INVESTIGO, recollemos información sobre os temas que estamos traballando. Buscamos información sobre a pesca, e logo Carla contounos as súas INVESTIGACIÓNS deste xeito tan bonito que vedes neste vídeo.

FESTIVAL DAS LETRAS GALEGAS

O venres celebramos o festival na Casa Dopeso.Que bonito estivo! Alongousenos un pouco máis do previsto, pero de tódolos xeitos os nenos , aínda que cansos, portáronse moi ben. Todos se esforzaron moito e as obriñas e cancións resultaron chulísimas.Nós, máis os nen@s de 1º fixemos un conto musicado: O conto da muiñeira. Eu estaba un pouco nervosa, pero creo que o fixeron moi ben e que todos intentaron facelo o mellor posible. Un biquiño para tod@s

OS NOSOS AVÓS

Tamén quixemos nestes días facer unha homenaxe especial aos nosos avós, que tantas historias nos teñen contado e que con tanta tenrura nos teñen arroupado. Na biblioteca lemos con moito agarimo unha colección de libros adicados aos nosos maiores. Os nen@s participaron no Certame literio e artístico do cole e fixeron poesías, narracións, debuxos e cómics dos seus avós e avoas. Todos eran preciosos.AVOIÑOS E AVOIÑAS, xa podedes estar ben contentos.

LETRAS GALEGAS

Como xa sabedes, este ano o Día das Letras Galegas está adicado a Xosé María Alvarez Blázquez. Nós na escola ademáis de aprender algunhas cousiñas del, lemos dous libros preciosos: Roseira do teu mencer e O que ben che quer, con poemas adicados á súa filla COLORÍN. Como ben se di nestes libros todos, papás, mamás e nen@s podedes asomarvos por debaixo da porta destes libros e lelos xuntiños,que son ben fermosos. Aquí tedes unha mostra pequeniña que a min me gustou moito.

A ver, quen foi

o que fixo chorar á pequena?

Ela non chora polo que lle doi,

senón porque é nena

e aínda non sabe decire quen foi.

Por eso ten pena,

que doer, non lle doi...

TAMÉN SABEMOS CANTAR

ACTIVIDADES DIA DO LIBRO

DÍA DO LIBRO

O dia 23 de abril celebramos o Día do Libro.Os días anteriores a esta data os nenos trouxeron información para o noso recanto INVESTIGO, acerca de por que se escolleu ese día.

En plástica fixemos varias actividades divertidas:

-marcapáxinas do Quixote (que baixamos de internet)

-marcapáxinas para as libretas, con forma de abelliña e de rá-

-debuxamos o cartel deste ano, copiandoo do que nos trouxo Manuel.

Pero, sobre todo,pasámolo super ben preparando unha adaptación do conto Riciños de Ouro, para contarlla aos nenos/as de 1º. Fixemolo con moita ilusión e todos/as se esforzaron moito para que lles quedase ben bonito.

Tamén nos gustou moito o contiño que os nenos de 3º nos viñeron contar a nos.Eramos un monton e a clase case se nos queda pequena.Foi estupendo!

Por último, Nieves unha profe da Magdalena, veunos contar uns contiños estupendos. Aos nenos gustáronlles sobre todo, os das Matrioskas e o de Pepiño o desobediente

PLANTAMOS NO BAÑAL

PLANTACIÓN NO BAÑAL

Collemos un día precioso para ir ao Bañal. Plantamos moitísimas xestas híbridas, moi coloreadas. Non foi un traballo fácil, porque a terra estaba moi dura e casi que precisabamos uns sachos máis grandes. Pero a verdade é que tódolos nenos e nenas traballaron moitísimo, e Pablo e Digna tamén nos axudaron moito.Tivemos tempo para lavar as mans no pozo, merendar e tamén , como non, para xogar un pouquiño e disfrutar do día.PODEDES PASAR POR ALÍ A VELAS.

PLANTAMOS PATACAS

Como facía bo día, baixamos ao horto a plantar patacas. Plantamos un rego de patacas de Coristanco e outro de patacas da Limia. Veremos o que resulta.Tamos feitos uns grandes labregos.Mentres os nenos e nenas de 1º plantaron distintas variedades de fabas. Veredes que merendolas imos facer.

RECICLADO

CONCURSO DE RECICLADO

Un ano máis participamos no concurso de reciclado do cole. Teño que decir que todos, papás, mamás , nenos e nenas..traballastes moitísimo. Non sei se teredes algún premio, pero eu estou moi contenta do traballo que fixestes.Que preciosos están todos! Ahi vos vai unha pequena mostra.

OS RABANITOS

PLANTACIÓN E RECOLLIDA DE RABANITOS

Aquí tedes algunhas das fotos que sacamos os días da plantación e o da recollida de rabanitos. Estaban preciosos, pero a verdade é que, por moita manteiga e sal que lles botamos, non nos sabían moito.A prócima vez mellor plantamos outra cousa

NADAL

Que vos pareceu este ano o cole polo Nadal? Eu, dos años que levo aquí ,este foi o que máis me gustou. Tódolos cursos traballaron para que os corredores e as aulas estivesen ben decorados. Os pequenos fixeron uns Reis Magos que parecían de verdade. Nós, o 1º Ciclo fixemos as figuras para un Belén que logo montamos no carro que temos no noso Museo. O 2º Ciclo preparou unha Arbore supermoderna, con CDs que xa non servían. E que me dicides das postais dos maiores? Chulísimas, non sí? Para rematar, o festival na Casa Dopeso penso que foi bastante bonito, polo menos, nenos/as e profes pásamolo moi ben preparandoo. Esquezamos a actuación dos profes, que foi o MAIS desastroso.Intentaremos mellorar para a próxima ocasión.

SEMENTAMOS

No mes de novembro, coma tódolos anos, preparamos cuns bricks de leite ou de zume , unhas fermosas macetiñas. Alí plantamos as sementes que tiñamos ben gardadas: abelás, noces, castañas...Este ano non conseguimos que nos medraran moitas, só tres , das quince que plantamos. Logo, no mes de marzo, esas tres que xa estaban medradiñas, transplantámolas a unhas macetas máis grandes. Cando medren outro pouco levarémolas para o viveiro do cole e logo, máis adiante para a Casilla do Bañal.Se non fostes por alí, agora na primavera non é mal momento, porque xa hai moitas flores e todo está moi fermoso.

XOGOS DO MAGOSTO

Despois de comer non veñan mal uns xoguiños, para rematar ben a xornada.

A POLAS CASTAÑAS

Todos ben postiños na fila. As mamás agardan por nós.QUE BEN CHEIRAN!

Xa temos os nosos cucuruchos preparados, así que...A POLAS CASTAÑAS!!

MAGOSTO NO COLE

Ademáis de facer un mural sobre o outono, fixemos unha pequena exposición de productos típicos desta época do ano.MOITAS GRACIÑAS a tódolos nenos e nenas que nos trouxeron castañas, zonchos, uvas, figos, mel ...

IMOS Á BIBLIOTECA

Os mércores facemos a hora de lectura na biblioteca.ENCÁNTALLES¡¡ Eu non son moi boa contando historias, pero aínda así, creo que os contiños que eu lles leo lles gustan máis e logo todos queren levalos para a casa. Hoxe contamos no teatriño o conto de HANS E A PRINCESA.Foi divertido. Como sempre, tamén disfrutaron do seu ratiño de lectura libre.

FUNGOS E COGOMELOS

Pasámolo estupendamente preparando o noso traballiño para o Concurso de Fungos e Cogomelos. Investigamos sobre os fungos, pintamos, modelamos e...ATA GAÑAMOS UN PREMIO!YUPI!

Non sei se será unha tontería, pero tiña moitas gañas de comezar o meu blog con esta poesía, feita xa hai anos por unha compañeira miña, e que a min me parece preciosa e chea de amor e tenrura.

Esas mans

Esas mans

preciosas...

redondas...

pequenas....

que pintan as cousas e xogan con elas,

que amasan a terra e escriben as letras,

que son cariñosas porque dan caricias

e coidan as cousas

e cosen...e pegan...aplauden...recortan...

Esas mans pequenas

son as mans

dos nenos e nenas

que en moitos momentos

fabrican inventos.

Esas mans preciosas

parécense ás rosas

co cheiro infantil

da gracia que amosan.

Esas mans redondas

parécense ás ondas

dos mares de cores

que verten amores

por tódolos dedos.

amores...que os grandes

¡Tan mal entendemos!



Por iso, ás veces,

énchense de penas

esas mans

preciosas...

redondas....

pequenas....