CHARLA SOBRE AS ABELLAS

Hoxe, a mestra de 4º e os seus alumnos, invitáronnos a unha charliña sobre as abellas. Uns papás moi amables, moi coñecedores da apicultura, contáronnos cousas moi interesantes. Trouxéronnos unha abellas reais, e poidemos ver moi ben as súas partes; tamén nos ensinaron unha roda moi grande de cera, un panal, o traxe do apicultor...Pasamos unha hora estupenda e aprendemos moito. Graciñas a todos.

DÍA DO LIBRO 2013

Animádevos  a botar unha ollada ao blog da biblioteca, BIBLOCAXADO. Seguro que vos gusta.

DÍA DA TERRA 2013

Creo que está é unha bonita canción para acompañarnos neste día. Condenemos a contaminación e fagamos un mellor uso das reservas naturais da nosa  Terra.

MEDIMOS LONXITUDES

Empezamos a traballar os instrumentos de medida. Mirade o xogo que seguro vos vai resultar entretido.

Pinchade aquí e poderedes atopar actividades diferentes para ir praticando. Espero que vos guste.

Este é outro XOGO para pasar un bo rato.

ASOCIACIÓN TEL GALICIA

Por fin !! Xa contamos en Galicia con ATELGA, umha entidade sen ánimo de lucro, que se constituiu en outubro do 2012, en Santiago, có obxectivo primordial de mellorar a calidade de vida das persoas afectadas por TEL, na nosa Comunidade Autónoma. Podedes botar unha ollada no enlace.

ALDEAS, VILAS E CIDADES

Empezamos este novo proxecto. Aquí vos deixo este material  para que vaiades tendo algunha información.

As Aldeas E As Vilas from spongiforme

DÍA INTERNACIONAL DA CONCIENCIACIÓN SOBRE O AUTISMO 2013

A Asamblea Xeral das Nacións Unidas declarou o día 2 de abril como Día Mundial de Concienciación sobre o autismo, para tratar de mellorar as condicións de vida dos nenos e adultos que sofren este transtorno.Clicade aquí para máis información.

Os pais de Manuel, un neno de 4 anos e medio que ten autismo quixeron con este vídeo aportar o seu graniño de area para dar a coñecer a realidade das persoas, das familias e dos profesionais  directamente involucrados nos transtornos de espectro autista. Ademáis de pais de Manuel son profesores no IES Ribeira de Louro, de Porriño e no IES As Barxas de Moaña. Escoitade a canción de Manuel "Alí estarei"

DÍA DA POESÍA

Coincidindo coa chegada da primavera, celebramos cada ano o Día da poesía. Se clicades na imaxe, podedes atopar cousas interesantes relacionadas con este día.

DÍA DA FELICIDADE

Hoxe, por primeira vez, celebramos o Día Internacional da Felicidade, unha aspiración é un obxectivo humano fundamental. Un "olé " moi forte para todas aquelas persoas que fan cousas , na medida das súas posibilidades, para que os demais teñan motivos para rir e ser felices.

UN POUCO DE PLÁSTICA

Estamos preparando unhas fotos para o blog da sección bilingüe cos nosos últimos traballos de plástica : Miró, Maruja Mallo, Frida Khalo. Mentras tanto aquí tedes un avance das nosas incursións no mundo das artes.

PARA PASAR UN RATIÑO

Lendo cousas fermosas en Psicóloga Emocional , atopei este video. E un contiño sinxelo, e espero que vos guste.

VISITA DOS BOMBEIROS

Os bombeiros pasaron polo cole, para explicarnos como podemos coidar os nosos bosques , evitar os incendios e como fan para apagalos.  Tamén nos puñeron a funcionar o amión coa moto-bomba. foi moi divertido.

VISITA DA ESCOLA INFANTIL

Hoxe recibimos a visita dos alumnos da Escola Infantil Barosa, acompañados dos papás e das súas mestras. Recibímolos cunha fermosa canción que nos preparou Marita e representamos para eles unha obriña "Pretty Ritty" (A ratiña Presumida). Creo que saiu moi ben e os pequen@s da Barosa estiveron moi atentos.

Para que recordasen este día, agasallámolos coa casa da ratiña, unhas escobiñas para cada neno/a e o conto en inglés e galego. Como sempre, eles sorprendéronnos cunha manualidade ben fermosa: unha cestiña con ovos e saíndo dun cascarón , o poliño Pepe. Quero dar as grazas a todos os mestres/as que colaboraron na realización destas actividades, pintando, recortando, traballando co ordenador..Así dá gusto traballar!!

DÍA DA MULLER

O 8 de marzo celebramos o Día da Muller Traballadora. Os nenos e nenas de 3º estamos a investigar na pintura de mulleres como Maruja Mallo ou Frida Khalo. Ademais , dende o Concello organizaron unha actividade sobre as mulleres e a música. Estiveron na clase e poidemos comprobar que homes e mulleres poden facer música con calquera instrumento e tamén disfrutar escoitándoa. Para complementar esta actividade, estamos convidados o próximo día 20 a unha actividade conxunta con outros coles. Seguro que será unha grata sorpresa.

Dende a organización ONU MULLERES presentarán este día a canción ONE WOMAN, na que participan músicos e cantantes de todas as partes do mundo.Podedes ver uns vídeos clicando AQUÍ

MARUJA MALLO

Nesta semana celebramos o Dia Da Muller.  En plástica durante este trimestre estamos traballando a diferentes artistas ( Picasso, Miró ) e pensamos que sería boa idea investigar agora sobre algunha pintora.Xurdiron nomes como Maruja Mallo e Frida Khalo. Podemos ir botando unha ollada a estes vídeos.

OS DINOSAURIOS DE 4 ANOS

Tivemos ocasión de pasar un ratiño cos nenos e nenas de 4 anos e a súa profe Oliva. Ensináronnos moitas cousas dos dinosaurios. Son todos uns expertos! Aproveitamos para medir e compararnos con estes grandes reptiles. Como somos moi pouquiños, para acadar o tamaño dalgún gran dinosaurio, vímonos obligados a pedir axuda aos mais pequenos. Non imaxinábamos que eran tan grandes.Graciñas a estes mestres tan estupendos.

O LIÑO

Hoxe fomos ver no Mercado Vello unha exposición sobre o liño. Resultou do mais interesante. Primeiro vimos un vídeo no que se explicaba todo o traballo co liño, dende a sua plantación ata chegar á elaboración de tecidos. Quedamos asombrados!! Fanse unhas 32 labores diferentes. Menudo traballo!!

Logo, unha mulleres de Insua ( Vilalba) ensináronnos de forma practica a maneira de traballar o liño (tendelo, secalo , ripalo, mazotalo...) Ata nos deixaron probar para ver que tal se nos daba.

Como estamos traballando as máquinas, poidemos observar as que utilizaban durante todo este proceso. Tamén nos chamou moito a atención, a maneira en que teñían as madeixas de liño: con infusión de ortiga, con moras, con cáscara de cebola...

 Cantas cousas bonitas aprendemos que non se atopan nos libros!!

O LIÑO - foto montaje

MENUDOS PALLASOS

Chegou por fin a hora de celebrar o Antroido no cole. Este ano fixemos un disfraz sumativo, económico e ecolóxico. O luns trouxemos zapatos de distinta cor ou con lazos; o martes engadimos uns calcetíns rechamantes, cos pantalóns remangados; o mércores con paxariña (que chulas quedaban feitas con bolsas); o xoves fixemos no cole uns fermosos gorriños cunhas melenas feitas con bolsas do lixo; e finalmente o venres xa chegamos ao cole vestidos e ben pintadiños. Menudos pallasos!!!!

Como sempre, á hora do recreo comemos as orellas  (graciñas a todos os membros da ANPA) e os freixós (graciñas ao Concello). Despois, no pavillón cantamos unhas cancións , con baile, en homenaxe a Miliki e desfilamos cos nosos disfraces. Foi unha xornada estupenda.

CARNAVAL-13 - foto montaje

EXPERIMENTAMOS COA AUGA

Traballamos na clase as presentacións da auga postas no blog. Ademáis recordamos experimentos do curso pasado e fixemos algúns novos. 

• Quentamos auga nunha pota e fixámonos como pasaba a auga líquida a estado gasoso (ebulición).
• Como o testo da pota estaba frío, o vapor de auga condensábase e caía en forma de pingas de auga (condensación).
• Metémos un pedaciño de xeo con colorante azul nun vaso con auga morna e colorante amarelo. Pouco a pouco o xeo derretíase (fusión). Tamén comprobamos así as diferentes densidades da auga fría e quente, xa que as cores non se mezclaban ata ir acadando as mesmas temperaturas.
• Este mesmo experimento sirveunos para lembrar como flotan os icebergs.

A AUGA

Para ir aprendendo algunhas cousas da auga podemos ir ollando esta unidade didáctica elaborada polo  CEIP San Rafael (Cádiz)

Tamén este outro recurso en flash pode ser interesante. A ver cal vos gusta mais.

TODO O COLE FESTEXA A PAZ

Daba gusto ver hoxe o cole. Todos xuntos, Infantil, Primaria e Secundaria, festexando a Paz. Bótanse de menos estas ocasións nas que todos temos algo que compartir. O profe José Mª  debuxou unha estupenda pomba na pista do pavillón e o profe Pedro Puxo a sinalización para que cada curso poidese entrar e colocar sobre esta silueta un taponciño branco ( dos que estamos a recoller nas clases para os nenos/as con enfermidades "difíciles"). Quedou estupenda!! Logo cantamos as cancións que nos ensinou Marita , a profe de música. O alumnado de Secundaria, cantou tamén unha bonita canción en francés. Todos a coro cantamos para pedir que a Paz no mundo sexa unha realidade.

PAZ-13 - foto montaje

PINTAMOS POLA PAZ

Traballando a Picasso , non podíamos deixar de falar do Guernica. Este cadro gustounos moito, tanto polos debuxos como pola historia que trataba de representar.Chegado o día da Paz, como nos pareceu bastante triste, decidimos darlle cor e ademais compartilo co alumnado de 4º e a súa profe Fina. Entre todos fixemos este mural, que non nos quedou nada mal, non si?

Se queredes saber mais cousas do Guernica, aquí tedes unha páxina interesante, que nos pasou Pilar , da biblioteca. Clicade aquí.

MIRO

Rematados os traballos de Picasso, imos empezar a coñecer algúns datos interesantes doutro importante pintor: Miró. Mirade este pequeno conto e xa me contaredes se vos gusta.

Cuento de Miró from terebonet

GÚSTANOS PICASSO

Estamos rematando o proxecto de Picasso que fixemos en Plástica, na sección bilingüe. Aprendemos moitas cousas deste gran artista e por suposto fixemos fantásticos debuxos. Aquí tedes unha mostra. Se queredes ver mais ollade o blog que temos na barra da dereita Learning with you.

                                          

PREPARANDO A PAZ

O cole estase preparando para celebrar o Día da Paz. Polos corredores xa se empezan a ver murais, que reflexan o traballo dos nenos e nenas  nestes días. A profe Marita estanos ensinado unhas fermosas cancións para cantar todos xuntos o día 30. En galego cantaremos "No mundo" de Lúar na Lubre. Outra canción que está a ensaiar có alumnado é " Ciudadanos de un lugar llamado mundo". Son chulísimas!!

Na clase de 3ª, como estamos a traballar a Picasso, decidimos facer un Guernica, en colaboración cós nenos e nenas de 4ª. Atopamos os debuxos no blog ACTILUDIS e como nos daba un pouco de pena velo tan escuro, decidimos darlle cor e alegría. Pronto veredes os resultados.

Para que vos vaiades entretendo deixo a canción de Lúar na Lubre e dúas de Macaco, que a min me gustan moito e me parecen moi apropiadas para estas datas.

DÍA DA EDUCACIÓN MEDIOAMBIENTAL

Xa sabedes que no noso cole, como en moitos outros, estanse recollendo tapóns de plástico, coa finalidade de axudar a nenos con enfermidades "raras", difíciles. Aquí tedes un vídeo no que se amosa o proceso de reciclaxe deses tapóns. 

DIVERTÍMONOS APRENDENDO

Este tema do Universo é moi importante e estanos gustando moito. Estamos aprendendo moitas cousas e, por suposto, tamén ten que haber tempo para a diversión.

E se queredes aprender mais acerca do nacemento do Sistema Solar, podedes clicar na seguinte imaxe.

E se nos imos cós da Nasa, ademáis de aprender, seguro que atoparemos xogos para pasar un bo rato. Clicade na foto e veredes.

VIAXE AO SISTEMA SOLAR

E para recordar e aprender cousas dos planetas, podemos botar unha ollada a este vídeo. Seguro que vos gusta.

FASES DA LÚA

 Como imos traballar a Terra e os planetas, aquí queda un pequeno vídeo explicativo das distintinta fases da Lúa.

O DÍA E A NOITE

OS MELLORES MAESTROS

Hoxe contamos na nosa clase cós mellores especialistas en Abellas  de todo o cole: os nenos e nenas de 6º de Infantil e a súa mestra  Ángeles. Trouxeron uns murais preciosos, feitos por eles, e con moita soltura e desenvolvemento, explicáronnos que tipo de animal é a abella, as partes do seu corpo, os tipos de abellas...Quedamos alucinados con tanto como sabían! Tamén nos ensinaron dúas maquetas de colmeas, unha mais antiga e outra mais moderna.Por suposto, encantounos o afumador, que a profe Ángeles nos puxo a funcionar.

Como son moi amables, deixaron todo na nosa clase, para que poidamos disfrutar e compartir os seus traballos durante uns días. Moitísimas, moitísimas grazas!

Abellas - foto montaje

A BAILAR, A BAILAR

Non sei se haberá no cole uns nenos e nenas mais "bailaretes" que os de 3º. Os días  en que o tempo non nos permite facer o recreo no patio, quedan na clase e logo... Cando eu chego sempre teñen un baile "sorpresa" preparado. Nesta ocasión, como tíñamos sección biligüe, o baile ía especialmente dirixido a Marian. Estou segura que quedou encantada con estes fantásticos bailaríns. Mirade, mirade!!

Sin título - foto montaje

OS INSECTOS

Xa estamos de volta e hai que poñerse mans á obra. Imos comezar a traballar os animais  invertebrados. Podédesvos entreter con este vídeo dos insectos e seguro que aprenderedes moitas cousiñas.

BO NADAL

HISTORIA DO APALPADOR

Esta é a historia do Apalpador contada por uns nenos e nenas do CEIP de Xuvencos. Graciñas a eles por compartir os seus traballos.

O APALPADOR

O Apalpador é un velliño moi vello que vive aló polo Courel e Os Ancares. O seu oficio é carboeiro. Cando chega o Nadal, baixa ás aldeas e vilas , entra nas casas onde durmen os nenos e nenas para palparlles a barriguiña e ver se están mantidiños. Ao tempo que lles desexa que non pasen fame no vindeiro ano, deixalles unha presa de castañas ben quentiñas.

Open publication - Free publishing - More nodal

A NOSA ÁRBORE DE NADAL

Mirade que fermosa nos está quedando a árbore de Nadal que estamos a facer os cursos de 3º e 4º de primaria. Se queredes ver como o fomos facendo, ollade no noso blog da sección bilingüe  Learning with you.

TÓCANOS PLANTAR

Este curso fixemos dúas plantacións diferentes. Tiñamos algunha semente e, como o tempo non estaba moi bo, pedímoslle ao noso conserxe José Antonio, unhas macetiñas con terra e fixemos a plantación na clase. Entre outras cousas plantamos romeu, mazás...e unha planta que trouxo María, "Clavel del Moro",que parece que funciona como insecticida ecolóxico. Veremos o que sae de ahí.

Uns días despois, fomos a plantar, co alumnado de 4º e a súa mestra Fina, unhas abeleiras que nos trouxo a nosa administrativa Yeny. Logo de plantalas, metémolas no invernadoiro. A ver se desta vez conseguimos que nos medre algunha.

PLANTAMOS-2012 - diapositivas

ODAIKO PERCUSSION GROUP

Esta mañá asistimos ao espectáculo de ODAIKO PERCUSSION GROUP no Auditorio Alovi. Nesta ocasión os membros do grupo entraban nas escolas para escenificar un percorrido musical , dende os inicios da humanidade ata o home moderno. Foi un espectáculo moi interesante,no que os nen@s estiveron en todo momento atentos e amosando curiosidade polas actuacións do grupo. Un concerto moi creativo e moi adaptado ás idades do alumnado. Felicitamos e damos as grazas ao Concello por ofertarnos este tipo de actividades.

BLOG DA ANPA

A ANPA do cole acaba de estrenar o seu blog, coa intención de mellorar a comunicación no seo da comunidade educativa. Dende aquí animámosvos  a botarlle unha ollada, participar e deixar comentarios (senta estupendamente recibilos). Podedes velo se clicades na imaxe e tamén na lista dos blogs amigos da dereita.

DÍA INTERNACIONAL CONTRA A VIOLENCIA DE XÉNERO 2012

Eduquemos na igualdade para conseguir un mundo sen violencia.

Xogamos á OCA DA CONVIVENCIA

DÍA DOS BOSQUES AUTÓCTONOS -2012

Celebramos hoxe o día dos bosques autóctonos. Con este motivo, os rapaces e rapazas convertíronse en árbores ( castiñeiros, pradairos, acivros ...), e pensaron que dereitos debían ter. Aquí tedes o resultado.

Open publication - Free publishing - More arbores

DÍA UNIVERSAL DA INFANCIA

Hoxe, 20 de novembro, celebramos o Día Universal do Neno. Neste día recordamos que debemos seguir na loita para que se cumpran os dereitos de todos os nenos e nenas, independentemente da súa nacionalidade, sexo, relixion ,para que todos teñan igualdade de oportunidades, alimentación, educación, protección e coidados, A nosa compañeira Ana, (Aula Tic), atopou este bonito vídeo no blogue da Biblioteca Gregorio Marañón e có seu permiso imos utilizalo. Espero que vos guste.

ADEUS MILIKI

SIN PALABRAS

VISITAMOS A DOMUS

Os museos científicos coruñeses celabran a semana da ciencia do 12 ao 18 de novembro. Ao longo desta semana a entrada é gratuita na Domus, Casa das Ciencias e no Aquarium Finisterrae. Aproveitando que estamos traballando na clase o corpo humano, e que os pequenos de 4 e 5 anos tiñan pensado visitar a Domus, unímonos a eles . Foi un día espléndido. Tíñamos a Domus practicamente para nós soíños. Deunos tempo e ver , tocar , experimentar...Estos nenos e nenas merecen un aplauso moi grande, porque se portaron moi ben.Biquiños a tod@s.

DOMUS-2012 - diapositivas

MAGOSTO 2012

Por fin chegou o magosto. Este ano"copieteamos" a castaña  tan fermosa que o curso pasado nos trouxeron os alumnos e as profes do cole Terra de Ferrol. Pasámolo xenial cosendo (Que ben cose Alex!!!). As castañas estaban boísimas, Moitísimas grazas a os pais e nais ( algúns viñan coas caras ben coloradiñas de asar as castañas no lume).

Para rematar a festa , o profe Pedro preparoounos uns xogos estupendos no pavillón: a corda, a ra, os zancos...Así da gusto vir ao cole.

Sin título - presentacion imagenes

REPASAMOS OS SENTIDOS

Con este xogo,podemos repasar todos os sentidos. Espero que vos guste.