TODOS A RECICLAR

A Aula de Medio Ambiente do Centro convocou un ano máis o concurso de reciclado. Inmediatamente puxémonos mans á obra. Algúns nenos trouxeron traballos feitos na casa, nos que colaboraron os seus papás e mamás. Tamen na clase fixemos dous traballos colectivos: uns portafotos con tapas dos envases de zumes e uns suxeitalibros ben chulos.

IMOS AO TEATRO

O día 8 de abril acudimos á Casa Dopeso. Alí , a compañía de teatro BABALUVA presentounos a súa obriña LUME. Era unha fermosa historia que tiña moito que ver co medio ambiente. Nun bosque préndese lume e os animais colaboran para apagalo. Todos os personaxes e os decorados estaban feitos con materias de reciclaxe e de uso cotiá: banquetas, cuncas, pratos, culleres, medias, calcetíns...

EXPERIMENTOS CON AUGA

Para celebrar o Día da Auga, preparamos uns experimentos moi sinxelos para facer con auga. Invitamos tamén a participar aos nenos e nenas de 1º. Para comezar falamos acerca das propiedades da auga e tratamos de comprobalas: ulimos, vimos que non tiña cor, vimos como ao cabiar auga de recipiente tamén cambiaba a súa forma...

Logo deixamos o grifo dunha botella de auga un chisquiño aberto, goteando un casi nada sobre unha palangana. Ao cabo dun rato de estar facendo outro experimento, poidemos comprobar que a botella perdera máis da metade da auga. Os nen@s expresaron as súas opinións e entenderon que moitas pequenas gotas poden facer que se perda unha gran cantidade de auga.

Despois pensamos que podería ocurrir se metemos un ovo nun vaso de auga. Houbo diferencia de opinións. Fixémolo e viron que o ovo afundíu na auga.Probamos a disolver unha boa cantidade de sal nese vaso e volvemos a intentalo. SORPRESA! Agora conseguimos que o ovo flotase.

Por último deixamos esa auga con sal nun recipiente, cerquiña das ventás.Ao cabo de pucos días observamos que se produxo a evaporación da auga e só quedaba o sal.

Pasamos un rato entretido e seguiremos buscando máis experimentos.

DIA INTERNACIONAL DO LIBRO INFANTIL E XUVENIL

O día 2 de abril celébrase o Día Internacional do Libro Infantil e Xuvenil para festexar o nacemento do gran escritor Hans Christian Andersen,autor de tantísimos contos para nenos . A esquerda tedes o cartel conmemorativo deste ano.Se pinchades aquí podedes ver tamen a mensaxe de Eliacer Cansino.Vale a pena , atoparedes un fermoso texto. No cartel, vese unha árbore e nas súas poliñas están medrando libros. Tamén vemos un neno gabeando para poder chegar ata onde un libro o agarda. O lema deste ano é "Un libro te espera, búscalo."Pois todos a buscar ese libro que nos está esperando.Lede moito e lede xunto aos vosos fillos e con eles.Se vós ledes, eles len tamén e non esquezades que , como dicía Günter Grass Non hay espectáculo máis fermoso que a mirada dun neno que le.Se estades animados/as pinchade aquí e poderedes disfrutar de moitos contos de Andersen.E se queredes ler máis temos outras páxinas interesantes de lecturas.

BISCOITO DE AMÉNDOAS

O mércores 24 de marzo, como nos veu o forno novo decidimos probalo e facer un biscoito de améndoas moi sinxelo. Precisamos 250 g. de améndoa moída, a mesma cantidade ou un pouco menos de azucre e uns 5 ovos.Mirade as fotos e veredes que sinxelo de preparar.Non me deu tempo a facerlles fotos comendo, porque foi visto e non visto.Non durou nada.Bueno, Ángela dixo que lle gustaba máis se tivera menos azucre.

A CASA DOS PEIXES

O martes 23 de marzo os nenos e nenas de 5º e 6º de E. Infantil e os de 1º,2º e 3º de E. Primaria, xunto cun grupo de profes, visitaron a Casa dos Peixes, na Coruña. Neste caso, as entradas corrían a cargo de Voz Natura, por ser o noso un centro colaborador. Tivemos un bo día, pasámolo estupendamente, quedounos tempo para unha merendiña e chegamos ao cole moi puntuales para a hora da saída.

DÍA MUNDIAL DA AUGA 2010

Cada ano, o día 22 de marzo, celébrase o Día Mundial da Auga.Este ano, ONU-AUGA quere adicar este día á calidade da auga, co fin de demostrar que na xestión dos recursos hídricos, a calidade é tan importante como a cantidade.

No Día Mundial da Auga, debemos entender que a auga limpa é vida, e que polo tanto, as nosas vidas dependen do noso esforzo e traballo por protexer a calidade da auga do noso planeta.Se pinchades no enlace atoparades máis información sobre este tema.

Tamén na web oficial do día da auga podedes ler información sobre como se foi celebrando este día ao longo dos anos, fotos bonitas, posters, vídeos.Podemos aprender cousas moi interesantes.

Aquí vos vai tamén un pequeno vídeo, é moi sinxelo, pero ao mellor sírvenos para reflexionar un pouquiño sobre a importancia da auga.

PLANTAMOS BULBOS

O pasado martes, aproveitando que non facía mal tempo, fomos ata o viveiro do cole. Estivemos mirando as sementes que tiñamos plantadas dende o outono, pero a verdade é que non medraron moitas.Pero non nos desanimamos e imos seguir plantando. Nesta ocasión plantamos uns bulbos. Uns poucos deixamolos no viveiro, e outros poucos levámolos para a clase.Estamos seguros/as de que imos ter unhas flores chulísimas.

O PASADO

Enlazando coa situación da muller hai uns anos, estamos estudando un pouquiño o noso pasado. Como sempre os nen@s e as familias volcáronse traendo material. Moitas graciñas a todos. Cantas cousas aprendemos desta maneira que non veñen nos libros!Grazas tamén aos compañeiros, en este caso Fina F. e José Mª, que compartiron con nós o seu tempo, o seu saber e o seu coñecemento do museo.Uns nen@s recordarán dúas cousas, outros catro...pero seguro que todos aprenderon cousiñas que non van esquecer.

DÍA DA MULLER 2010

Seguimos con máis actividades para celebrar o Día da Muller. Nesta ocasión, chegaron dende o Departamento de Cultura do Concello una avoa e a súa netiña, coas que pasamos un rato moi entretido. Grazas a elas soubemos como era a vida das mulleres hai uns anos, e que cousas cambiaron para as mulleres de agora.Seguiremos traballando, que aínda queda moito por mellorar.

ESCRIBIMOS CON PLUMILLAS

Como estamos có proxecto O pasado, aproveitamos para visitar o museo do noso cole, acompañados por José Mª, que nos explicou moitas cousas interesantes. Tamén tivemos a sorte de que a profe Fina Fernández viñese á nosa clase. Ela sempre escribe con pluma estilográfica e trouxonos unhas plumillas e uns tinteiros para explicarnos como escribían na "vella escola".Poidemos practicar un bo rato e démonos conta do difícil que era escribir sin facer borróns, sen manchar as mans...Pero de tódolos xeitos, nenos e nenas estaban encantados e non querían parar de escribir coa plulmilla.Graciñas José Mª e Fina, porque as vosas explicacións aportáronnos ledicia, saber e aprecio polo noso pasado.

DÍA DA MULLER-2010

O próximo luns, 8 de marzo,celebramos o Día Internacional da Muller.Sírvenos para lembrar que queda moito por loitar e traballar pola igualdade de dereitos e oportunidades.A igualdade, máis que un dereito xa debería ser unha obligación.Dende a casa e dende a escola temos que traballar a coeducación dos nosos nenos e nenas e colaborar así co esforzo de tantas e tantas mulleres do mundo para chegar á igualdade, conseguir respecto, xustiza e paz.

A profe Angeles, no seu blog remendos, puxo uns contiños moi lindos, que veñen moi ben para este día,e, co seu permiso, vou aproveitar para recomendárvolos.O libro dos porcos xa o traballamos o ano pasado e seguro que o recordades.Se queredes ver Rosa Caramelo, pinchade aquí.Tamén vos gustará ler Arturo e Clementina,pinchade aquí para ler o conto.E se queredes ler máis, entrade en remendos, que é un blog precioso.
Se ademáis de ler vos gusta escoitar música, seguro que vos gustará escoitar está canción de Luar na Lubre,adicada en especial al loitadoras mulleres galegas.



Tampouco está mal, xa que estamos co plurilingüismo escoitar Woman e ver o que John Lenon pensaba das mulleres.


FELIZ DÍA A TODAS AS MULLERES

ENTROIDO 2010

Este ano o noso cole encheuse de Hippies, de amor e paz irmáns, de flores, de cores...Como xa fixemos o ano pasado, na clase os nenos e nenas coseron os volantes . Logo, contamos coa importante axuda das mamás, que nos axudaron a montar os volantes nos pantalóns.Un cinturón por aquí, unha cinta por alá, un colgante por acolá...e listo o disfraz. Chegou o día e todos estaban chulísimos: os de infantil cos seus chaleques de flecos, os de primaria cos seus volantes e flores. Os de Secundaria traían diferentes disfraces, e tanto eles como os seus mestres e mestras estaban xeniales.
Antes do recreo fixemos obradoiros, nos que misturamos a nenos e nenas de diferentes idades.Tiñan unha duración de media hora e cando remataban rotaban a outro taller diferente.Había obradoiros de maquillaxe, de baile, de xogos, de plástica.Tamén nalgúns destes obradoiros colaboraron as mamás e papás.Graciñas outra vez
Para recuperar forzas, no recreo comemos freixós e orellas.Logo, no pavillón entregáronse os premios do concurso das Cartas de Amor.Os nen@s creo que o pasaron moi ben, e os mestres acabamos "reventadiños".Valeu a pena.

ROSA DA PAZ

O próximo 30 de xaneiro, en tódolos coles celebraremos un ano máis o Día Escolar da Non Violencia e a Paz.Sírvenos para recordar que a paz tamén se aprende.Pero este aprendizaxe haino que levar a cabo non un día, senón sempre. En cada momento, nas nosas actitudes de respecto cara os demáis, nos nosos xogos, nos traballos, nas nosas relacións coa familia,coa nosa tolerancia, esquecéndonos do odio e cambiandoo por amor, dando bicos e apertas gratis (que fermosos estaban os pequechos de Dulce o ano pasado!)un sorriso en vez dun berro...podemos facelo. Claro que sí...APRENDAMOS A PAZ.

E para facelo de xeito musical, escoitade esta canción de Amaral.Ademáis , creo que tamén pode ser apropiada para hoxe que se celebra o Dia Mundial do Medio Ambiente.

NADAL 09

Pois unha vez todo o cole adornado, adicamos bastante tempo a ensaiar a obriña de teatro para representar no Festival de Nadal , na Casa Dopeso. Fixémola conxuntamente cos nenos e nenas de 1º e a súa profe Fina. A verdade é que tod@s se esforzaron moito e non lles quedou nada mal.A min encantoume todo o festival e pareceume especialmente fermosa a representación que fixeron os alumnos de 3 e 5 anos do contiño "Cando Martiño tivo ganas de mexar na noite de Reis"

.Mirade se aquípodedes ver a obra do 1º ciclo "O boneco de neve"

O boneco de neve from CPI Monte Caxado on Vimeo.

O APALPADOR

O Apalpador é un personaxe mítico do Nadal galego, especialmente nas zonas do Courel e Cebreiro. Agora mesmo, diferentes asociacións tratan de recuperar esta figura, que vén a ser o Papá Noel galego.É grande, viste boina e traxe esfarrapado e con remendos e fuma pipa.A noite do 24 de decembro o Apalpador visita aos nenos e nenas galegas, cando están durmidos, e apálpalles a barriga para ver se están fartos ou teñen fame.Se é o primeiro caso di "Así estés todo o ano" e deixa unha presa de castañas. No segundo caso fica calado e tamén deixa as castañas.Nos tempos actuais, o Apalpador pode traer algún que outro xoguete, procurando sempre que sexan de fabricación caseira ou reutilizados.Intenta que os nenos e nenas se den conta de que para pasalo ben non precisan ter moitos xoguetes, nin tampouco que estes sexan novos.

UNHA PANXOLIÑA

Para non ser menos , eu tamén quero poñer neste blog un "sopliño" de ambiente navideño. Aquí tedes unha das miñas panxoliñas favoritas. Espero que vos guste. A min paréceme preciosa.

AMBIENTE NAVIDEÑO

Pouco a pouco o cole vaise enchendo de ambiente navideño. Os nen@s de 1º e 2º fixeron estreliñas con cartón reciclado e diferentes adornos para poñer nos corredores. En Infantil elaboraron un mural precioso, para poñer no corcho da entrada. Este ano os nenos e nas de 3º e 4º puxeron a árbore de Nadal. Utilizaron a árbore do ano pasado e adornárona con unhas estreliñas feitas coa parte de abaixo de botellas de auga. Os maiores xa están tamén colocando nos corredores as súas postais...Pouquiño a pouco achégase o Nadal.

TÍTERES TROMPICALLO

O día 4 de decembro , o alumnado de 1º e 2º e as súas profes Fina e Loli, fomos ata o cine Alovi para ver unha representación de títeres. A obra titúlabase Bolboreta, e foi bastante entretida. Só houbo un pequeniño problema: os nenos de 2º xa a virán.Pero a pesar de todo gustoulles moito e pasárono moi ben.

DEREITOS E DEBERES DOS NENOS E NENAS

O venres 20 de novembro celebramos o Dia dos Dereitos dos nen@s. Eu engadiría tamen os seus deberes. Aquí tedes un pequeno vídeo explicativo que nos axuda a recordar


En relación con esto, temos na clase un mural, onde cada neno e nena pegou a súa foto cun debuxo. No mural con letras máis grandes escribimos TODOS SOMOS DIFERENTES, PERO TODOS SOMOS IMPORTANTES.Eu polo menos, así o creo.Este vídeo vai nesa liña e ten moito que ver co noso mural.Espero que vos guste.

MAGOSTO 09

O día 11 de novembro celebramos o Magosto no cole. Como todosos anos comemos castañas que nos trouxo a ANPA, xunto con auga e batidos. Despois fixemos xogos populares: a rá, os bólos, tirar á corda, paracaidas...Todo resultou moi ben e os nenos e nenas pasárono estupendamente.

VOLTAN OS FUNGOS

A volta de esquina estaba a feira de Fungos e Cogomelos. Como nos coincidía co tema dos alimentos, aproveitamos para recoller algunhas receitas feitas con fungos. Algúns nenos e nenas recolleron cogomelos e trouxéronos para o cole. Os maiores, de Secundaria, mesmo fixeron unha exposición na entrada do seu pavillón.
Na clase de Plástica preparamos a conciencia o traballo para presentar no concurso dos Fungos que cada ano organiza o Concello. Este ano decidimos facer uns suxeitalibros de madeira, cunha setiña .Ademáis cada neno fixo nunha cartolina a súa seta utilizando técnicas variadas. Con todas elas montamos un libriño, que tamén presentamos ao concurso. E resulta que , non só o pasamos estupendamente facendo estas actividades senón que...GAÑAMOS DOUS PREMIOS!Así é fácil animarse para o ano que vén.

SEMENTAMOS NOCES

Como tódolos anos por esta datas, aproveitamos os días bós de outono para sementar algunha plantiña. Este ano decidimos plantar noces. Como tiñamos moitas, acordamos compartilas cos nenos e nenas de 4 anos e así facer unha actividade conxunta. A verdade é que todos os nenos e nenas se organizaron moi ben e enseguidiña rematamos de plantar e regar. Tamén foi moi importante a axuda que nos prestou a profe Ángeles.Agora só nos queda esperar a ver se medran e os ratos non nos deixan sen nogueiras coma outros anos.

VISITA DE OSCAR

Este ano recibimos con moita ledicia a Oscar, o profe de iniciación á música do Conservatorio. Xuntámonos na biblioteca toda a E. Infantil e os nenos e nenas do 1º Ciclo de Primaria.Ahora sí que dá gusto. Que ben nos veu a reforma da biblioteca. Alí Oscar fíxonos actividades musicales e xogos moi divertidos. Seguro que despois de esto haberá moitos nenos en asistir ás súas clases. Canto se pode aprender xogando!

BENVIDOS

Bueno, ainda que é un pouco tarde, quero dar a benvida a este curso a Sabela, Andrea, María, David, Adrián, Claudia, Carmen, Ángela, Daniel Calvo, Xoel, Daniel Bermúdez, Vicente e Antonio cos que xa estivemos en 1º.E, como non, recibimos con moito agarimo a Alba e Azucena, que comezan este ano con nós. Teño que decir que, a estas alturas, estas dúas nenas están moi integradas xa na clase.

Tedes aquí un pequeno grupo de fotos que fixemos os primeiros días de clase, cando nos adicamos a coñecer o cole: o horto, a biblioteca, aula de música... Espero que vos gusten.